شقو-دا جاس شىرشالاردى كەسۋشٸلەردٸڭ الدىن الۋ جۇمىستارى قولعا الىندى
شقو پوليتسييا دەپارتامەنتٸنٸڭ حابارلاۋىنشا قۇقىق قورعاۋ ورگاندارىنىڭ ٶكٸلدەرٸ ورمان شارۋاشىلىعى ٶكٸلدەرٸمەن بٸرلەسٸپ وبلىس اۋماعىندا 22 جەدەل ەرەكەت ەتۋ توپتارىن قۇرعانىن مەلٸمدەدٸ.
– اڭشىلىق شارۋاشىلىقتارعا كٸرٸپ, شىعاتىن جولدارعا ارنايى بەكەتتەر قويىلىپ, جول بويىن باقىلاۋ ٸسٸ كٷشەيتٸلدٸ. بۇدان باسقا بازارلار مەن ساۋدا ورىنداردا جاس قىلقان جاپىراقتى شىرشالاردى ساۋدالاۋشىلار دا باقىلانادى, – دەدٸ پوليتسييا ٶكٸلدەرٸ.
جاڭا جىل مەرەكەسٸ كەزٸندە جاس شىرشالاردى كەسۋ وقيعالارى جيٸ كەزدەسەتٸنٸ جاسىرىن ەمەس. تەرتٸپ ساقشىلارى وسىنداي زاڭ بۇزۋشىلىقتاردىڭ الدىن الۋدى كٶزدەپ ورمانشىلارمەن بٸرگە باقالۋ جۇمىستارىن كٷشەيتٸپ وتىر.
جەدەل الدىن الۋ شارالارى باستالعان كٷننەن بەرٸ پوليتسييا قىزمەتكەرلەرٸ التى قۇقىق بۇزۋشىلىققا قاتىستى ەكٸمشٸلٸك ٸس قوزاعاپ ٷلگەرگەن. ونىڭ ەكەۋٸ قىلقان جاپىراقتى شىرشالاردى زاڭسىز كەسۋگە قاتىستى بولعان.
ال التاي قالاسىنىڭ تەرتٸپ ساقشىلارى «التاي – پارىگينو» تاس جولىنىڭ بويىندا كٶلٸكتٸ توقتاتىپ, التاي قالاسىنىڭ 50 جاستاعى تۇرعىنى قاجەتتٸ قۇجاتتارى جوق قاراعاي كٶشەتتەرٸن الىپ بارا جاتقانىن انىقتادى. پوليتسييا قىزمەتكەرلەرٸ اعاش كەسكەن ازاماتقا قاتىستى ەكٸمشٸلٸك قۇقىق بۇزۋشىلىق ٸسٸ بويىنشا حاتتاما تولتىرعان. دەل وسىنداي جاعداي بەسقاراعاي اۋدانىندا دا ورىن الىپ, 40 جاسار ازاماتتىڭ 26 جاس قاراعايدى كەسكەنٸن انىقتالىپ وتىر.
