Glýbokoe kentinde memlekettik jeke menshik áriptestik aiasynda jańa jylý kóziniń qurylysyn 2020 jyldyń maýsym aiynda «Mimsan Endustri Kazanlari Sanayive Ticaret A. S.» AQ qolǵa alǵan bolatyn. Joba aiaqtalǵannan keiin kompaniia qazandyqty 11 jyl paidalana alady. Bul úshin arnaiy shart jasalynǵan.
Qurylys alańyn aralaý barysynda qurylysshylar men investorlar oblys ákimine Túrkiiadan ákelingen úsh jańa qazandyqty jáne jabdyqty montajdaý protsesin kórsetti. Sondai-aq, olar qalǵan agregattar jolda kele jatqanyn, qalǵan bir bóligi Óskemen men Semei kásiporyndarynda jasalǵanyn jetkizdi.
– Eski júie buryn táýligine 110 tonna kómir jaqsa, myna jańa júiege tek 80 tonna otyn qajet bolady. Eski jylý stantsiiasy ábden tozǵan. Onda 1938 jáne 1949 jyldary shyǵarylǵan qazandyqtar ornatylǵan. Al, bul qazandyqtar kenttiń damýyn tejeidi, – dedi Danial Ahmetov.
Oblys ákiminiń aitýynsha, jaqyn arada jergilikti bilik osyndai JEO-nyń tiimdiligine tolyq taldaý jasaidy. Jobanyń tiimdi ári utymdy jaǵyn kóretin bolsaq, ony Kýrchatov, Semei jáne Óskemen qalalaryna JEO salǵanda qoldanamyz. «Qazirgi ýaqytta bizge investitsiialyq joba qurylysynyń kesteden keshikpei júrýi mańyzdy» dedi D.Ahmetov
