گلۋبوكوە كەنتىندە مەملەكەتتىك جەكە مەنشىك ارىپتەستىك اياسىندا جاڭا جىلۋ كوزىنىڭ قۇرىلىسىن 2020 جىلدىڭ ماۋسىم ايىندا «Mimsan Endustri Kazanlari Sanayive Ticaret A. S.» اق قولعا العان بولاتىن. جوبا اياقتالعاننان كەيىن كومپانيا قازاندىقتى 11 جىل پايدالانا الادى. بۇل ءۇشىن ارنايى شارت جاسالىنعان.
قۇرىلىس الاڭىن ارالاۋ بارىسىندا قۇرىلىسشىلار مەن ينۆەستورلار وبلىس اكىمىنە تۇركيادان اكەلىنگەن ءۇش جاڭا قازاندىقتى جانە جابدىقتى مونتاجداۋ پروسەسىن كورسەتتى. سونداي-اق، ولار قالعان اگرەگاتتار جولدا كەلە جاتقانىن، قالعان ءبىر بولىگى وسكەمەن مەن سەمەي كاسىپورىندارىندا جاسالعانىن جەتكىزدى.
ايماق باسشىسى دانيال احمەتوۆتىڭ ايتۋىنشا، بيىل پايدالانۋعا بەرىلەتىن جەو «قايناعان قاباتتا جاناتىن وتىن» قاعيداتى بويىنشا جۇمىس ىستەيدى. بۇل – كەز كەلگەن كومىر تولىق جانىپ كەتەدى، وتىن تالعامايدى دەگەندى بىلدىرەدى. جوبانىڭ ارتىقشىلىقتارىنىڭ ءبىرى – كومىردىڭ ك ۇلى از شىعادى جانە وتىنعا ۇنەم بولادى.
– ەسكى جۇيە بۇرىن تاۋلىگىنە 110 توننا كومىر جاقسا، مىنا جاڭا جۇيەگە تەك 80 توننا وتىن قاجەت بولادى. ەسكى جىلۋ ستانسياسى ابدەن توزعان. وندا 1938 جانە 1949 جىلدارى شىعارىلعان قازاندىقتار ورناتىلعان. ال، بۇل قازاندىقتار كەنتتىڭ دامۋىن تەجەيدى، – دەدى دانيال احمەتوۆ.
وبلىس اكىمىنىڭ ايتۋىنشا، جاقىن ارادا جەرگىلىكتى بيلىك وسىنداي جەو-نىڭ تيىمدىلىگىنە تولىق تالداۋ جاسايدى. جوبانىڭ ءتيىمدى ءارى ۇتىمدى جاعىن كورەتىن بولساق، ونى كۋرچاتوۆ، سەمەي جانە وسكەمەن قالالارىنا جەو سالعاندا قولدانامىز. «قازىرگى ۋاقىتتا بىزگە ينۆەستيسيالىق جوبا قۇرىلىسىنىڭ كەستەدەن كەشىكپەي ءجۇرۋى ماڭىزدى» دەدى د.احمەتوۆ
