Shyǵys Qazaqstan oblysynda aýyl turǵyndaryn qoldaý, jańa jumys oryndaryn ashý jáne kásipkerlikti damytýǵa baǵyttalǵan "Aýyl amanaty" baǵdarlamasy iske asyrylyp jatyr,- dep habarlaıdy Dalanews.kz

SHQO Aýyl sharýashylyǵy basqarmasynyń basshysy Ajar Qadjıbekovanyń málimetinshe, 2023 jyly baǵdarlama boıynsha 1,5 mlrd teńgege nesıe berilip, 235 jańa jumys orny ashyldy.

2024 jyly 7 mlrd teńge bólý josparlanǵan edi. Alaıda respýblıkalyq búdjetten 2,5 mlrd teńge bólindi.

"Qazirgi tańda 1 mlrd teńgege 72 joba maquldanyp, 163 jańa jumys orny ashylady", - dedi Ajar Kadjıbekova.

Bıyl baǵdarlamany iske asyrýǵa qosymsha 3 mıllıard teńge bólinbek. Aýyspaly qarajatty eskerse, búdjet 4,5 mıllıard teńgeni quraıdy. Bul shamamen 550 jobany qarjylandyrýǵa múmkindik beredi. Onyń ishinde týrızm, aýylsharýashylyq ónimderin qaıta óńdeý jáne fermerlerge tehnıka satyp alý bar.