شىعىس قازاقستان وبلىسىندا اۋىل تۇرعىندارىن قولداۋ، جاڭا جۇمىس ورىندارىن اشۋ جانە كاسىپكەرلىكتى دامىتۋعا باعىتتالعان "اۋىل اماناتى" باعدارلاماسى ىسكە اسىرىلىپ جاتىر،- دەپ حابارلايدى Dalanews.kz
شقو اۋىل شارۋاشىلىعى باسقارماسىنىڭ باسشىسى اجار قادجيبەكوۆانىڭ مالىمەتىنشە، 2023 جىلى باعدارلاما بويىنشا 1،5 ملرد تەڭگەگە نەسيە بەرىلىپ، 235 جاڭا جۇمىس ورنى اشىلدى.
2024 جىلى 7 ملرد تەڭگە ءبولۋ جوسپارلانعان ەدى. الايدا رەسپۋبليكالىق بيۋدجەتتەن 2،5 ملرد تەڭگە ءبولىندى.
"قازىرگى تاڭدا 1 ملرد تەڭگەگە 72 جوبا ماقۇلدانىپ، 163 جاڭا جۇمىس ورنى اشىلادى"، - دەدى اجار كادجيبەكوۆا.
بيىل باعدارلامانى ىسكە اسىرۋعا قوسىمشا 3 ميلليارد تەڭگە بولىنبەك. اۋىسپالى قاراجاتتى ەسكەرسە، بيۋدجەت 4،5 ميلليارد تەڭگەنى قۇرايدى. بۇل شامامەن 550 جوبانى قارجىلاندىرۋعا مۇمكىندىك بەرەدى. ونىڭ ىشىندە تۋريزم، اۋىلشارۋاشىلىق ونىمدەرىن قايتا وڭدەۋ جانە فەرمەرلەرگە تەحنيكا ساتىپ الۋ بار.
