Shyǵys Qazaqstan oblysynda 28 sáýir men 8 mamyr aralyǵynda Uly Otan soǵysyna qatysýshylar men múgedekterine qoldaý kórsetý maqsatynda «Ardagerim – ardaǵym» aksıasy ótip jatyr,– dep habarlaıdy Dalanews.kz

Bıyl bul ıgi bastamaǵa 300-den astam volonter qosylyp, ardagerlerge kómek kórsetýge baǵyttalǵan túrli is-sharalarǵa belsene qatysýda.

Aksıa aıasynda aımaqta 24 is-shara ótkizildi. Onyń ishinde ardagerlerdiń úıiniń aýlasy tazartylyp, tyl eńbekkerleri men ardagerlerge estelik syılyqtar men azyq-túlik sebetteri tabystaldy. Volonterler tek is júzinde kómektesip qana qoımaı, árbir ardagerge erekshe kóńil bólip, qamqorlyq pen qurmet bildirdi.

Uıymdastyrýshylardyń aıtýynsha, aksıa aıasyndaǵy jumystar jalǵasyn tabady jáne aýqymy ulǵaıa túsedi. Belsendiler batyr babalarymyzdyń erligin umytpaı, azattyq pen bolashaq úshin kúresken jandarǵa qoldaý kórsetýdiń mańyzyn atap ótýde.

Aıta keteıik, «Ardagerim – ardaǵym» aksıasy 8 mamyrǵa deıin jalǵasyp,  aýdandyq deńgeıdegi eldi mekenderdi de qamtıdy.