2025 jyly Shyǵys Qazaqstan oblysynda quqyq qorǵaý organdary turmystyq qylmystardyń, internettegi quqyq buzýshylyqtardyń jáne qoǵamdyq tártip buzýshylyqtardyń aldyn alý boiynsha belsendi jumysyn jalǵastyrýda, sondai-aq qoǵamda «Zań jáne Tártip» qaǵidasyn nyǵaitýǵa basa nazar aýdarýda, – dep habarlaidy Dalanews.kz ShQO ákiminiń baspasóz qyzmetine silteme jasap.
Azamattardy, eń aldymen kámeletke tolmaǵandardy jáne áielderdi qorǵaýǵa, sondai-aq qoǵamdyq qaýipsizdikke qaýip tóndiretin quqyq buzýshylyqtardyń aldyn alýǵa erekshe kóńil bólinýde.
Shyǵys Qazaqstan oblysynda turmystyq saladaǵy qylmystardyń jartysynan astamy alkogoldik masań kúide jasalady. 2025 jyly politsiianyń ótinishi boiynsha óńir sottary QR ÁQBtK-niń 54-baby aiasynda 266 quqyq buzýshyǵa alkogoldik ishimdikterdi tutynýǵa tyiym saldy. Bul shara ótken jyly da qoldanylyp, 291 adamǵa qatysty shekteý engizilgen edi.
– Biz turmystyq qylmystarǵa, ásirese alkogoldik masań kúide jasalatyn qylmystarǵa qarsy kúresti jalǵastyrýdamyz. Alkogoldi tutynýǵa qoiylǵan tyiym oń nátije berýde, sondyqtan biz bul sharany qaitalanǵan quqyq buzýshylyqtardyń aldyn alý úshin ári qarai da qoldanatyn bolamyz. Osy jyl Ishki ister ministrligi tarapynan Aldyn alý jyly dep jariialandy, sondyqtan biz qylmystyń aldyn alýǵa erekshe nazar aýdaryp otyrmyz, – dedi ShQO PD bastyǵy, politsiia general-maiory Erlan Omarbekov.
Jyl basynan beri óńirdegi daǵdarys ortalyqtaryna 1 700-den astam áiel psihologtardyń keńesine jiberildi, sondai-aq 48 áiel men 17 bala ýaqytsha turý úshin arnaiy panalaý oryndaryna ornalastyryldy.
Áielderge qatysty qylmystar sany ótken jylmen salystyrǵanda 7%-ǵa tómendedi – bul politsiia men áleýmettik qyzmetterdiń birlesken jumysynyń oń nátijesi.
Sonymen qatar, turmystyq salada quqyqqa qaishy áreketter jasaǵany úshin 1 315 adam ákimshilik jaýapkershilikke tartyldy.
Alaida, másele ózekti kúiinde qalyp otyr – 142 adam turmystyq zorlyq-zombylyq qurbandaryna jaqyndaýǵa tyiym salatyn qorǵaý uiǵarymdaryn elemei, qaitadan jaýapkershilikke tartyldy.
2024 jyly esirtki, pornografiialyq materialdar, sýitsidti nasihattaý jáne zańsyz onlain-kazino siiaqty tyiym salynǵan aqparattardy taratqan 1 770 sait buǵattaldy.
2025 jyly bul baǵyttaǵy jumystar kúsheitilip, alǵashqy úsh aidyń ózinde osyndai 3 000-nan astam silteme buǵattaldy.
Politsiia azamattardy qyraǵylyq tanytýǵa jáne kúdikti internet-resýrstar týraly habarlaýǵa shaqyrady, osylaisha jas urpaq úshin qaýipsiz aqparattyq orta qalyptastyrýǵa birlesip atsalysýǵa úndeidi.
2024 jyly alkogol iship, qoǵamdyq oryndarda mas kúiinde júrgeni úshin 3 047 adam jaýapkershilikke tartyldy. 2025 jyly bul kórsetkish áli de joǵary – 2 776 jaǵdai tirkeldi.
Sondai-aq, tyiym salynǵan oryndarda temeki shegýmen, onyń ishinde qyzdyrylatyn temeki ónimderi men elektrondy sigaretterdi paidalanýmen kúres júrgizilýde. 2024 jyly 130 adam ákimshilik jaýapkershilikke tartylsa, biyl bul san 100-ge jetti.
Usaq buzaqylyq pen qoǵamdyq oryndardy lastaý máselesi de ózekti. 2024 jyly buzaqylyq úshin 335 adam jaýapqa tartylsa, 2025 jyly bul kórsetkish 324-ti qurady.
Qoǵamdyq oryndardy lastaýmen bailanysty quqyq buzýshylyqtar da baqylaýda. Ótken jyly 2 265 jaǵdai tirkelse, 2025 jyly bul kórsetkish 1 128-ge jetti.
– Biz quqyqtyq mádenietti qalyptastyrý úshin qoǵammen belsendi ózara is-qimyl jasaimyz. Qaýipsizdik pen tártip – bul ortaq jaýapkershilik, jáne bizdiń mindetimiz – quqyq buzýshylyqtardy anyqtaý ǵana emes, sonymen qatar olardyń aldyn alý. «Zań jáne tártip» qaǵidasy ár azamattyń ómiriniń negizine ainalýy tiis, – dep atap ótti ShQO PD bastyǵy, politsiia general-maiory Erlan Omarbekov.
Shyǵys Qazaqstan oblysynyń politsiia departamenti zańdy saqtaý jáne qoǵamdyq tártipke qurmetpen qaraý – bul tek mindet qana emes, sonymen qatar jaily ári qaýipsiz ómirdiń negizi ekenin eske salady. Árbir azamat óziniń azamattyq jaýapkershiligin túsinip, qoǵamdyq normalardy saqtaýǵa umtylýy tiis.
