Qutqarýshylardyń tynbai eńbek etkenine qaramastan sýdaǵy qaiǵyly oqiǵalar azaimai tur. Resmi málimetterge sáikes, 2020 jylǵy shomylý maýsymy bastalǵaly beri 28 adam sýǵa ketti. Onyń ishinde 17 jasqa tolmaǵan 9 bala bar. Barlyq oqiǵaǵa adamdardyń ózi kináli. Olar kúshterine senip, shomylýǵa tyiym salynǵan oryndarda sýǵa túsedi. Alkogoldik sýsyndar iship, shomylady.
Qaiǵyly oqiǵalardyń deni demalys kúnderi oyrn alady eken.
Esterińizge sala keteiik, búgingi kúni 359 buqaralyq oryn, týrizm men sportqa arnalǵan jáne sý sharýashylyǵyna daiyndalǵan. Onyń ishinde 180 orynda resmi túrde shomylýǵa ruqsat berilgen.
ShQO-daǵy sý qoimalarynda shomylý maýsymy kezinde qaiǵyly oqiǵalardyń aldyn alý úshin 1018 demalys ornynyń basshylaryna usynys hat jiberildi.
Usynys hatta qaýipsizdik erejelerin saqtamaǵan demalys oryndarynyń ielerin jaýapkershilikke tartý týraly aitylǵan. Osy oraida bul TJD minstriniń buiryǵy ekenin aita ketken oryndy. Qazirgi ýaqytta 59 jaǵajaidy 152 qutqarýshy patrýldeidi. 59 qoǵamdyq beket pen 48 akvatorii qaralǵan. Osy iske 228 volonter profilaktikalyq reid júrgizýge tartyldy. Alakól jaǵalaýyndaǵy qaýipsizdikti qadaǵalaý maqsatynda 4 adamnan quralǵan qutqarýshylar jumys isteidi.
Búgingi kúni, merekelik jáne demalys kúnderi kestege sáikes 1603 reid júrzilip, 33119 jadnama taratyldy. «Shomylýǵa tyiym salynady» degen 282 belgi qoiyldy. 114 stend ornatyldy. Gazetter men saittarda 148 maqala jaryq kórdi. 767 material áleýmettik jelilerde jariialandy. Teledidar men radiodan 73 habar taratyldy.
Brifing barysynda Dmitrii Titov shomylý maýsymy kezinde qutqarýshy bolýdy meńgerý úshin jáne jumysqa turý úshin qaida habarlasý qajettigin atap ótti.
– ShQO TJD-nyń jedel qutqarý toby men «ShQO-daǵy sýǵa batqan jandardy qoǵamdyq qutqarýshyla»" uiymyna ótinish jazý kerek. Keiin daiarlaýǵa qatysatyn bolasyz, – dedi Dmitrii Titov.
