قۇتقارۋشىلاردىڭ تىنباي ەڭبەك ەتكەنىنە قاراماستان سۋداعى قايعىلى وقيعالار ازايماي تۇر. رەسمي مالىمەتتەرگە سايكەس، 2020 جىلعى شومىلۋ ماۋسىمى باستالعالى بەرى 28 ادام سۋعا كەتتى. ونىڭ ىشىندە 17 جاسقا تولماعان 9 بالا بار. بارلىق وقيعاعا ادامداردىڭ ءوزى كىنالى. ولار كۇشتەرىنە سەنىپ، شومىلۋعا تىيىم سالىنعان ورىنداردا سۋعا تۇسەدى. الكوگولدىك سۋسىندار ءىشىپ، شومىلادى.
قايعىلى وقيعالاردىڭ دەنى دەمالىس كۇندەرى وىرن الادى ەكەن.
ەستەرىڭىزگە سالا كەتەيىك، بۇگىنگى كۇنى 359 بۇقارالىق ورىن، تۋريزم مەن سپورتقا ارنالعان جانە سۋ شارۋاشىلىعىنا دايىندالعان. ونىڭ ىشىندە 180 ورىندا رەسمي تۇردە شومىلۋعا رۇقسات بەرىلگەن.
شقو-داعى سۋ قويمالارىندا شومىلۋ ماۋسىمى كەزىندە قايعىلى وقيعالاردىڭ الدىن الۋ ءۇشىن 1018 دەمالىس ورنىنىڭ باسشىلارىنا ۇسىنىس حات جىبەرىلدى.
ۇسىنىس حاتتا قاۋىپسىزدىك ەرەجەلەرىن ساقتاماعان دەمالىس ورىندارىنىڭ يەلەرىن جاۋاپكەرشىلىككە تارتۋ تۋرالى ايتىلعان. وسى ورايدا بۇل تجد ءمينسترىنىڭ بۇيرىعى ەكەنىن ايتا كەتكەن ورىندى. قازىرگى ۋاقىتتا 59 جاعاجايدى 152 قۇتقارۋشى پاترۋلدەيدى. 59 قوعامدىق بەكەت پەن 48 اكۆاتوريي قارالعان. وسى ىسكە 228 ۆولونتەر پروفيلاكتيكالىق رەيد جۇرگىزۋگە تارتىلدى. الاكول جاعالاۋىنداعى قاۋىپسىزدىكتى قاداعالاۋ ماقساتىندا 4 ادامنان قۇرالعان قۇتقارۋشىلار جۇمىس ىستەيدى.
بۇگىنگى كۇنى، مەرەكەلىك جانە دەمالىس كۇندەرى كەستەگە سايكەس 1603 رەيد ءجۇرزىلىپ، 33119 جادناما تاراتىلدى. «شومىلۋعا تىيىم سالىنادى» دەگەن 282 بەلگى قويىلدى. 114 ستەند ورناتىلدى. گازەتتەر مەن سايتتاردا 148 ماقالا جارىق كوردى. 767 ماتەريال الەۋمەتتىك جەلىلەردە جاريالاندى. تەلەديدار مەن راديودان 73 حابار تاراتىلدى.
بريفينگ بارىسىندا دميتريي تيتوۆ شومىلۋ ماۋسىمى كەزىندە قۇتقارۋشى بولۋدى مەڭگەرۋ ءۇشىن جانە جۇمىسقا تۇرۋ ءۇشىن قايدا حابارلاسۋ قاجەتتىگىن اتاپ ءوتتى.
– شقو تجد-نىڭ جەدەل قۇتقارۋ توبى مەن «شقو-داعى سۋعا باتقان جانداردى قوعامدىق قۇتقارۋشىلا»" ۇيىمىنا ءوتىنىش جازۋ كەرەك. كەيىن دايارلاۋعا قاتىساتىن بولاسىز، – دەدى دميتريي تيتوۆ.