ShQO-da 10 myńnan astam páter salynady
Biyl ShQO-da «Ertis» ÁKK men jeke investorlardyń arqasynda turǵyn úiler qurylysynyń qarqyny aitarlyqtai artady. Qurylystyń sapasyn baqylaý maqsatynda ár naqty obekt úshin arnaiy algoritm jasalady, onda naqty áreketter tizbegi kórsetiledi. Investorlarǵa qajetti injenerlik infraqurylym jelisimen qatar, saraptamadan ótken daiyn jobalardyń bolýy da múmkindik berip otyr.
Basqarmasy basshysy Áset Súleimenovtiń aitýynsha, aǵymdaǵy jyly qarjylandyrýdyń barlyq kózderi esebinen barlyǵy 1 052 myń m2 turǵyn úi nemese 10 936 páter qurylysy bastalady. Bul kórsetkishtiń biyl 647 myń sharshy metri, iaǵni, ótken jylǵy kólemge 125% ósimmen 6 404 páter iske qosylady.
– Onyń ishinde biyl 141,5 myń m2 19 kommertsiialyq úidiń nemese jalpy somasy 26,0 mlrd teńgege 1 443 páterdiń qurylysyn bastaý josparlanýda. Sondai-aq, «Ertis «ÁKK» AQ-men birlesip jeke investitsiialar esebinen kommertsiialyq turǵyn úi salý tetigi ázirlendi. Ol úshin jeke investorlarǵa jer ýchaskeleri jáne turǵyn úilerdiń ázirlengen jobalaý-smetalyq qujattamasy beriledi, bul úi qurylysynyń bastalýyn birneshe ese jedeldetip, ruqsat berý qujattaryn alý merzimderin qysqartady, – dedi Qurylys, sáýlet jáne qala qurylysy basqarmasynyń basshysy Áset Súleimenov.
Shyǵys Qazaqstan oblysynyń ákimi «Birqabatty Shyǵys» óńirlik baǵdarlamasynyń tiimdiligin atap ótti, sondai-aq oblys aýdandaryna qurylysqa qajetti qosymsha qarajat bólý baǵyttaryna toqtaldy.
– Ótken jyly «Birqabatty Shyǵys» óńirlik baǵdarlamasy óziniń tiimdiligin kórsetti. Biz 36 myń m2 saldyq, biyl taǵy 60 myń salýymyz kerek. Orynbasarlarym Almashan Smatlaev pen Baqytjan Baiahmetovke qala jáne aýdan ákimderimen qurylys qarqynyn arttyrý baǵytynda jumys júrgizýdi tapsyramyn. Kelesi jyldan bastap "belsendi ákim – belsendi qarjylandyrý" qaǵidaty bolady, Mundai jaǵdaida nesielik turǵyn úilerdi júzege asyrǵan aýdan jalǵa beriletin turǵyn úi qurylysyna kóbirek qarajat alýy tiis, – dep habarlady ShQO ákimi Danial Ahmetov.
Aǵymdaǵy jyly biýdjet qarajaty esebinen 35 kóppáterli úidi paidalanýǵa berý josparlanyp otyr, olar magistraldyq jáne qajetti infraqurylymdyq jelilermen tolyq qamtamasyz etilgen.
