– Men bankrottyq rásimniń protsedýralardyń árqaisysyna toqtalyp, mánin túsindirgim keledi. Bankrottyq boryshkerdiń, kreditorlardyń nemese ózge de ýákilderdiń sotqa bergen ótinishi negizinde erikti túrde belgilenedi. Sotqa júginý úshin turaqty tólem qabiletsizdigi, al boryshkerdi sot tártibimen bankrot dep jariialaý úshin onyń dármensizdigi negiz bola alaldy, – dedi Sairan Ýálibekova.
Ol sondai-aq bankrottyq rásiminiń maqsaty bankrottyń múliktik massasy esebinen kreditorlardyń talaptaryn barynsha qanaǵattandyrý bolyp tabylatynyn qosty. Rásimdi ótkizý merzimi 9 aidy quraidy jáne negizder bolǵan jaǵdaida kreditorlar jinalysymen 2 jylǵa deiin uzartylýy múmkin.
– Ońaltý-sot tártibimen qoldanylatyn rásim, onyń sheńberinde boryshkerge tólem qabilettiligin qalpyna keltirýge baǵyttalǵan QR zańnamasyna qaishy kelmeitin quqyqtyq jáne ózge de sharalar qoldanylady. Ýaqytsha tólem qabiletsizdigi boryshkerdiń nemese kreditordyń ońaltý rásimin qoldaný týraly sotqa ótinish berýi úshin negiz bolady. Eger ótinish berilgen kúni bir nemese birneshe jaǵdailar bolsa, tólem qabiletsizdigi ýaqytsha bolyp tabylady, – dep qosty spiker.
Ońaltý rásimin qoldaný sheńberinde kreditorlarmen birlesip kreditorlar talaptarynyń tizilimine sáikes bereshekti óteý kestesi negizinde kásiporyndy ońaltý jospary jasalady.
"Kásiporynnyń ońaltý maqsaty boryshkerdiń tólem qabilettiligin qalpyna keltirý. Jospardy iske asyrý merzimi 5 jyldan aspaýy tiis", - dedi S.Ýálibekova.
https://dalanews.kz/news/89147-antikor-qulybaevtyng-senimdi-sergin-u
