– مەن بانكروتتىق ءراسىمنىڭ پروسەدۋرالاردىڭ ءارقايسىسىنا توقتالىپ، ءمانىن تۇسىندىرگىم كەلەدى. بانكروتتىق بورىشكەردىڭ، كرەديتورلاردىڭ نەمەسە وزگە دە ۋاكىلدەردىڭ سوتقا بەرگەن ءوتىنىشى نەگىزىندە ەرىكتى تۇردە بەلگىلەنەدى. سوتقا جۇگىنۋ ءۇشىن تۇراقتى تولەم قابىلەتسىزدىگى، ال بورىشكەردى سوت تارتىبىمەن بانكروت دەپ جاريالاۋ ءۇشىن ونىڭ دارمەنسىزدىگى نەگىز بولا الالدى، – دەدى سايران ۋاليبەكوۆا.
ول سونداي-اق بانكروتتىق ءراسىمىنىڭ ماقساتى بانكروتتىڭ مۇلىكتىك ماسساسى ەسەبىنەن كرەديتورلاردىڭ تالاپتارىن بارىنشا قاناعاتتاندىرۋ بولىپ تابىلاتىنىن قوستى. ءراسىمدى وتكىزۋ مەرزىمى 9 ايدى قۇرايدى جانە نەگىزدەر بولعان جاعدايدا كرەديتورلار جينالىسىمەن 2 جىلعا دەيىن ۇزارتىلۋى مۇمكىن.
– وڭالتۋ-سوت تارتىبىمەن قولدانىلاتىن ءراسىم، ونىڭ شەڭبەرىندە بورىشكەرگە تولەم قابىلەتتىلىگىن قالپىنا كەلتىرۋگە باعىتتالعان ق ر زاڭناماسىنا قايشى كەلمەيتىن قۇقىقتىق جانە وزگە دە شارالار قولدانىلادى. ۋاقىتشا تولەم قابىلەتسىزدىگى بورىشكەردىڭ نەمەسە كرەديتوردىڭ وڭالتۋ ءراسىمىن قولدانۋ تۋرالى سوتقا ءوتىنىش بەرۋى ءۇشىن نەگىز بولادى. ەگەر ءوتىنىش بەرىلگەن كۇنى ءبىر نەمەسە بىرنەشە جاعدايلار بولسا، تولەم قابىلەتسىزدىگى ۋاقىتشا بولىپ تابىلادى، – دەپ قوستى سپيكەر.
وڭالتۋ ءراسىمىن قولدانۋ شەڭبەرىندە كرەديتورلارمەن بىرلەسىپ كرەديتورلار تالاپتارىنىڭ تىزىلىمىنە سايكەس بەرەشەكتى وتەۋ كەستەسى نەگىزىندە كاسىپورىندى وڭالتۋ جوسپارى جاسالادى.
"كاسىپورىننىڭ وڭالتۋ ماقساتى بورىشكەردىڭ تولەم قابىلەتتىلىگىن قالپىنا كەلتىرۋ. جوسپاردى ىسكە اسىرۋ مەرزىمى 5 جىلدان اسپاۋى ءتيىس"، - دەدى س.ۋاليبەكوۆا.
https://dalanews.kz/news/89147-antikor-qulybaevtyng-senimdi-sergin-u
