Shyǵys Qazaqstan oblysy ákimdiginde ótken jiynda biylǵy jyly turǵyn úidi paidalanýǵa berý máselesi qaraldy,- dep habarlaidy Dalanews.kz
ShQO qurylys, sáýlet jáne qala qurylysy basqarmasynyń basshysy Rýfat Akramovtyń málimetinshe, 2025 jylǵa oblys boiynsha turǵyn úidi paidalanýǵa berý jospary 380 myń sharshy metrdi quraidy, bul jospardyń 94,7%-yn quraidy (67%-y – kópqabatty úiler, 33%-y – jeke turǵyn úiler). Negizgi úles Óskemen qalasyna tiesili – 285 myń sharshy metr nemese jalpy kólemniń 75%-yn quraidy.
Birinshi jartyjyldyqtyń qorytyndysy boiynsha 146 myń sharshy metr turǵyn úi paidalanýǵa berildi, al ekinshi jartyjyldyqta 234 myń sharshy metrdi engizý josparlanýda.
«Biyl 40 myń sharshy metrdi quraityn 539 jaldamaly páter satyp alý josparlanyp otyr. Bul 229 kópbalaly otbasyn jáne 310 áleýmettik osal toptaǵy otbasylardy turǵyn úimen qamtamasyz etýge múmkindik beredi», – dedi Rýfat Akramov.
Jobaǵa qatysty «Birqabatty Shyǵys» jobasy aiasynda 350 páterdiń ishinen 304-iniń qurylysy bastaldy. Alaida Altai, Úlken Naryn jáne Ulan aýdandarynda túrli sebepterge bailanysty 46 páterdiń qurylysy bastalmaǵan. Bul jaǵdai úilerdi ýaqytyly paidalanýǵa berýge jáne josparly kórsetkishterge qol jetkizýge qaýip tóndiredi.
6 ai ishinde Zaisan jáne Kúrshim aýdandarynda 11 páter paidalanýǵa berildi, Glýbokoe aýdanynda taǵy alty páter paidalanýǵa berýge daiyn.
Sonymen qatar, 2022 jyldan beri 11 nesielik turǵyn úidiń qurylysy júrgizilýde, jyl sońyna deiin sonyń toǵyzy paidalanýǵa beriledi dep josparlanýda. Alaida qurylysty aiaqtaý úshin oblystyq biýdjetten qosymsha qarjy qajet.
Budan bólek, biyl Óskemen qalasynda jalpy aýdany 59 myń sharshy metr bolatyn toǵyz úidiń qurylysy bastalady, sondai-aq Zaisan aýdanynda 3 myń sharshy metrdi quraityn 30 páterdi satyp alý josparlanǵan.
Jiyn barysynda oblys ákimi Nurymbet Saqtaǵanov turǵyn úidi ýaqytyly paidalanýǵa berýdi qamtamasyz etýdi, ásirese Altai, Úlken Naryn jáne Ulan aýdandarynda qurylystyń kesheýildeýin joiýdy tapsyrdy.
