Otan qorǵaýshylar kúni men Uly Jeńistiń 80 jyldyǵy qarsańynda Shyǵys Qazaqstan oblysynyń ákimi Nurymbet Saqtaǵanov elimizdegi eń tanymal áskeri bólimderdiń biri – Altai aýdanynyń Serebriansk qalasynda ornalasqan №97638 áskeri bólimge bardy, – dep habarlaidy Dalanews.kz ShQO ákiminiń baspasóz qyzmetine silteme jasap.
Búginde bul bólim tek áskeri qurylym ǵana emes – bul urpaqtar sabaqtastyǵynyń simvoly, erlik pen qaisarlyq mektebi. Ol Shyǵys Qazaqstannyń áýe shekarasyn qorǵap, strategiialyq mindetterdi oryndaidy jáne memlekettiń qaýipsizdiginiń tiregi bolyp tabylady.
– 97638 áskeri bólimi – bul erlik pen dańqtyń shejiresi. Bul bólimniń jaýyngerlik tarihy 1942 jyldan, 316-shy Gvardiialyq minomet polki retinde bastalady. Kýrsk shaiqasy, Dnepr, Varshava, Berlin – osy maidandarda polk jaýyngerleri teńdessiz batyrlyq kórsetti. Búgingi sarbazdar osy murany jalǵastyryp, Qazaqstan táýelsizdigin qorǵaýdyń aldyńǵy shebinde tur, – dedi aimaq basshysy.
Uly Otan soǵysy jyldarynda jaýyngerler maidan dalasymen ot keship, ondaǵan marapattarǵa ie boldy, onyń ishinde Sývorov, Kýtýzov, Hmelnitskii jáne Nevskii ordenderi bar. Myńnan astam jaýynger Keńes Armiiasy qolbasshylyǵy tarapynan jeke marapattalǵan. Soǵystan keiin polk beibitshilikti qamtamasyz etýge qatysyp, 1961 jyldan bastap Shyǵys Qazaqstanda ornalasyp, óńirdiń iri strategiialyq nysany – Buqtyrma SES-in kúzetip keledi.
Búginde bul bólimde jańa býynnyń kásibi mamandary qyzmet etedi – zamanaýi tehnikamen, joǵary jaýyngerlik daiyndyqpen jáne boryshyna adaldyqpen. Bul – naǵyz ofitserler ustahanasy jáne búkil Shyǵys Qazaqstannyń beriktigi men qýatynyń simvoly.
Aimaq basshysyna bólimniń negizgi nysandary – komandalyq pýnkt, kazarma, medpýnkt boiynsha ekskýrsiia uiymdastyryldy. Sonymen qatar, «Qaharman» mekteptegi áskeri-patriottyq klýbynyń jáne erikti izdestirý qozǵalysy «Jarqynnyń» jumysy tanystyryldy. Olar – batyrlyq ótken men búgin jáne bolashaq arasyndaǵy kópir.
Sapar sońynda oblys ákimi bólimniń ashanasynda sarbazdarmen birge áskeri dastarhannan dám tatty. Ásker dástúrine sai túski asqa kasha men shai berildi. Bul – Otan qorǵaýshylardyń qyzmeti men kúndelikti turmysyna degen qurmettiń taǵy bir belgisi boldy.
