Semeide sottalǵan adam ýaqytsha ustaý izoliatorynan qashyp ketken. Bul aqparat alǵashynda áleýmettik jelide tarady, dep habarlaidy dalanews.kz.
Abai oblysy Politsiia departamenti bul oqiǵany rastap, túsinikteme berdi. Vedomstvo málimetinshe, serýendeý kezinde sottalǵan adam izoliator aýmaǵynan zańsyz shyǵyp ketken.
"Jedel uiymdastyrylǵan izdestirý sharalary nátijesinde onyń júrgen jeri anyqtaldy. Qazir kúdikti ustalyp, ýaqytsha ustaý izoliatoryna qaita qamaldy", - dedi politsiia.
Bul oqiǵaǵa bailanysty qyzmettik tekseris bastalǵan.
Ustalǵan adam buǵan deiin kólikti aidap áketý jáne zorlaý qylmystary úshin sottalǵan. Ol 2021 jyly shartty túrde bas bostandyǵynan aiyrylǵan. Alaida jazany óteý tártibin birneshe ret buzǵandyqtan, biyl maýsymda sot onyń ótelmegen jaza merzimin bas bostandyǵynan aiyrý jazasyna aýystyrǵan.
