Atyraýda Joldasqali Dosmuhambetov atyndaǵy mamandandyrylǵan mektep-litseide órt shyqty, dep habarlaidy dalanews.kz.
Órt eki qabatty ǵimarattyń shatyryna jaiylǵan. Alǵash bolyp oqiǵa týraly áleýmettik jelide kýágerler habarlaǵan. Keiin bul aqparatty Tótenshe jaǵdailar ministrligi rastady.
Ministrliktiń málimetinshe, órt M. Áýezov dańǵylyndaǵy eki qabatty ǵimarattyń shatyrynan shyqqan.
– M. Áýezov dańǵyly boiynda ornalasqan eki qabatty ǵimarattyń shatyry órtendi. Órttiń jalpy aýmaǵy 280 sharshy metrdi qurady, – dep habarlady TJM baspasóz qyzmeti.
Órt sóndirýshiler jetkenge deiin mektep qyzmetkerleri ǵimarattan óz betinshe shyǵyp úlgergen. Oqiǵa ornyna TJM kúshteri men tehnikasy jumyldyrylyp, órt tolyqtai sóndirildi.
