Shyǵys Qazaqstan oblysynyń ákimi Nurymbet Saqtaǵanov qala jáne aýdan ákimderi, basqarma basshylarymen jiyn ótkizdi,- dep habarlaidy Dalanews.kz.
Jinalys barysynda óńir basshysy shaǵyn indýstriialyq aimaqtardy damytýǵa erekshe nazar aýdardy. Ol jergilikti kásipkerlerge kóńil bólip, qandai memlekettik baǵdarlamalar men qoldaý sharalarynyń bar ekenin naqty túsiný qajet ekenin aitty.
— Áriptester, biz sizdermen kópten beri tanyspyz. Búgin men bergen ant — ol meniń ǵana emes, barlyǵymyzdyń ortaq antymyz dep qabyldańyzdar. Onda aitylǵan árbir sózdiń jaýapkershiligin sezinińizder. Halyqqa adal qyzmet etý degen uǵymnyń astarynda tereń maǵyna bar. Birinshi kezekte Memleket basshysynyń tapsyrmalaryn ýaqtyly oryndaýǵa kóńil bólý mańyzdy. Osyǵan deiin josparlanǵan jobalar iske asyrylýy tiis, — dedi ShQO ákimi Nurymbet Saqtaǵanov.
Sondai-aq aimaq basshysy sý tasqynyna daiyndyq sharalaryna toqtalyp ótti. Ol oblystaǵy TJ boiynsha jedel shtab óz jumysyn jalǵastyratynyn aitty.
