جينالىس بارىسىندا ءوڭىر باسشىسى شاعىن يندۋستريالىق ايماقتاردى دامىتۋعا ەرەكشە نازار اۋداردى. ول جەرگىلىكتى كاسىپكەرلەرگە كوڭىل ءبولىپ، قانداي مەملەكەتتىك باعدارلامالار مەن قولداۋ شارالارىنىڭ بار ەكەنىن ناقتى ءتۇسىنۋ قاجەت ەكەنىن ايتتى.
— ارىپتەستەر، ءبىز سىزدەرمەن كوپتەن بەرى تانىسپىز. بۇگىن مەن بەرگەن انت — ول مەنىڭ عانا ەمەس، بارلىعىمىزدىڭ ورتاق انتىمىز دەپ قابىلداڭىزدار. وندا ايتىلعان ءاربىر ءسوزدىڭ جاۋاپكەرشىلىگىن سەزىنىڭىزدەر. حالىققا ادال قىزمەت ەتۋ دەگەن ۇعىمنىڭ استارىندا تەرەڭ ماعىنا بار. ءبىرىنشى كەزەكتە مەملەكەت باسشىسىنىڭ تاپسىرمالارىن ۋاقتىلى ورىنداۋعا كوڭىل ءبولۋ ماڭىزدى. وسىعان دەيىن جوسپارلانعان جوبالار ىسكە اسىرىلۋى ءتيىس، — دەدى شقو اكىمى نۇرىمبەت ساقتاعانوۆ.
سونداي-اق ايماق باسشىسى سۋ تاسقىنىنا دايىندىق شارالارىنا توقتالىپ ءوتتى. ول وبلىستاعى تج بويىنشا جەدەل شتاب ءوز جۇمىسىن جالعاستىراتىنىن ايتتى.
