Indetpen kúresý barysynda kórsetket qoldaýy men tanytqan erlikteri úshin oblystyń betke ustar azamattary alǵysqa bólendi. Olardyń ishinde iri kompaniia ókilderi, jýrnalister, qoǵam belsendileri, dárigerler men tártip saqshylary bar. Jalpy, ShQO-nyń 100-ge jýyq turǵyny "Halyq alǵysy" marapatyna ie boldy.
- Qasym-Jomart Kemeluly qiyn-qystaý kezeńde memleket qoiǵan mindetterdi adal oryndaǵany úshin olardyń árqaisysyna alǵys aitty.
Koronavirýs infektsiiasymen kúreste úlken júkteme ásirese, meditsinalyq jáne sanitarlyq-epidemiologiialyq sala qyzmetkerleriniń iyǵyna artyldy.
Sondai-aq, politseiler men áskeriler, eriktiler men jýrnalister de kúsh-jigerlerin aiaǵan joq. Ásirese, jomarttyq tanytqan óńirdiń iri kompaniialary men kásipkerleri súbeli úles qosty. Men sizderdiń árqaisyńyzǵa zor rizashylyǵymdy bildiremin, - dedi oblys ákimi quttyqtaý sózinde.
Jalpy, elimizde tótenshe jaǵdai jariialanǵan kezden bastap oblysta eriktiler men biznes ókilderi jumyssyz qalǵan otbasylarǵa, zeinetkerler men kóp balaly otbasylarǵa barynsha kómek kórsetip, azyq-túlikpen qamtamasyz etti.
«BIRGEMIZ» qoǵamdyq qory belgilegen elý myń teńgeni quraityn járdemaqy 40 myńnan astam otbasyǵa berildi.
Óńirdegi iri kompaniialardyń biri, «Halyq alǵysy» medalin ielengen «Qazmyrysh» AQ-nyń ákimshilik máseleleri boiynsha atqarýshy direktory Andrei Lazarevtiń aitýynsha, kásiporynda qyzmetkerlerdi qysqartýǵa jol berilmei, osy ujymda eńbek etken ardagerlerdiń úiine kerekti azyq-túlikter únemi jetkizilip turdy. – Qazirde álemdi sharpyǵan indet barlyǵymyzǵa ońai tiip otyrǵan joq. Sondyqtan bir-birimizdi qoldap, kómek qolyn berýimiz kerek. Atalmysh problemamen eshkim betpe-bet qalmaýy kerek, - deidi kompaniia ókili.
Oblys ákimi Danial Ahmetov jiyn sońynda shyǵysqazaqstandyqtardy barlyq saqtyq sharalaryn saqtaýǵa shaqyrdy.
– COVID-19 indetine shaldyqqandar sany kún sanap artyp keledi. Turǵyndar barynsha saqtyq sharalaryn saqtap, qorǵaný kerek. Búgingi tańda oblystaǵy naýqastar sany 500-ge jetti. Virýs aýdandarda da keńinen taralyp keledi. Bosańsýǵa áli erte, buny barlyǵymyz durys túsinýimiz kerek, - dedi aimaq basshysy.
