Shyǵys Qazaqstan oblysynyń ákimi Ermek Kósherbaev Qazaqstan jazýshylar odaǵy Shyǵys Qazaqstan oblystyq filialynyń direktory Álibek Qańtarbaevpen jáne Qazaqstan Respýblikasynyń qurmetti jýrnalisi Aitmuhambet Qasymovpen kezdesti. Kezdesý barysynda óńirdegi óner men ádebietti damytý jónindegi birqatar máseleler talqylandy, dep habarlaidy Dalanews.kz.
Sonymen qatar, oqyrmandar aýditoriiasyn keńeitý maqsatynda kitaphana qorlaryn, onyń ishinde ShQO avtorlarynyń kitaptaryn tsifrlandyrý boiynsha jumys júrgizý usynyldy.
- Búginde qarapaiym kitaptardy syilyq retinde berýge bolady jáne olar áli de suranysqa ie. Biraq adamdardyń kópshiligi yńǵaily bolǵandyqtyn elektrondyq kitaptarǵa kóshýde. Sondyqtan jergilikti jazýshylardyń ádebi shyǵarmalaryn tsifrlandyrý boiynsha jumys júrgizý, sondai-aq olardy taratý úshin elektrondyq resýrstar qurý mańyzdy. Sonda bizdiń daryndy avtorlarymyz týraly bári biletin bolady, - deidi Shyǵys Qazaqstan oblysynyń ákimi Ermek Kósherbaev.
Sondai-aq, jiynda jazýshy jáne dramatýrg Qalihan Ysqaqtyń 90 jyldyǵyna arnalǵan is-sharalar jospary talqylandy.
