Shyǵys Qazaqstan oblysynda erikti ekobelsendiler ákimdik tarapynan marapattaldy, – dep habarlaidy Dalanews.kz ShQO ákiminiń baspasóz qyzmetine silteme jasap.
ShQO turǵyndary men qonaqtary jaz boiy jii demalatyn Shybyndykól aýmaǵynda óz erkimen tazalyq jumystaryn atqaryp júrgen belsendiler kózge tústi. Olar – óńir turǵyndary Diliara Kýznetsova men Oleg Kaýn. Azamattyq jaýapkershiliktiń mundai kórinisi kýá bolǵan jurtty da, jergilikti atqarýshy organ ókilderin de erekshe qýantty.
Osy oraida Shyǵys Qazaqstan oblysy ákiminiń orynbasary Darhan Sapanov belsendilerdi jeke qabyldaýǵa arnaiy shaqyrtyp, ákimdik atynan alǵys hat tabystady.
– Memleket basshysynyń elimizdiń ekologiialyq jaǵdaiyn jaqsartýǵa baǵyttalǵan «Taza Qazaqstan» tapsyrmasyn júzege asyrýdaǵy azamattyq belsendilikterińiz ben úlesterińiz úshin shyn júrekten alǵys aitamyn. Sizderdiń bul igilikti isterińiz jastarymyzǵa úlgi bolmaq, – dedi Darhan Sapanov.
Halyq kóptep baratyn demalys oryndarynyń jii lastanatyny jáne azamattyq jaýapkershiligi tómen jandardyń qorshaǵan ortany qoqysqa toltyryp kete baratyny da jasyryn emes.
Aita ketsek, Memleket basshysynyń tapsyrmasymen qolǵa alynǵan «Taza Qazaqstan» aktsiiasy jyl sońyna deiin jalǵasady. Ekologiialyq joba aiasynda el aýmaǵynda aýqymdy jumystar atqaryldy. Jobaǵa erikterler de belsene atsalysýda. Bastysy, “Taza Qazaqstan” qorshaǵan ortaǵa nemqurailyqty joiyp, tazalyq turǵysynan igi ádet qalyptastyrýda.
