– Áli kúnge deiin eshqandai el Batysta óndirilgen jaiaý áskerge qajetti áskeri mashina men tankterdi bergen joq. Biz osyǵan deiin áriptesterimizben Germaniia óz betinshe tankterdi Ýkrianaǵa jetkizbeý týrasynda kelisken bolatynbyz, – dep aqtalǵandai boldy Lambreht hanym.
Ýkraina áskeri shabýyldy sátti bastap, Harkov oblysynyń kóp jerin okkýpanttardan bosatqannan keiin Batys elderiniń keibir saiasatkerleri bilik oryndarynan Ýkrainaǵa kómekti údete túsý kerek ekenin talap ete bastady.
Aitalyq, kúni keshe ǵana Germaniiada bilikti ýysynda ustap otyrǵan Sotsial-demokratiialyq partiianyń bas hatshysy Kevin Kiýnert Sholts úkimetinen Ýkraianaǵa tankterdi berý isin jedeldetý kerek ekenin eskertti.
Osy rette Kevin Kiýnertti sotsial-demokrattardan bólek úkimetti jasaqtap otyrǵan koalitsiialyq partiialardyń ókilderi de qoldaǵanyn aita ketýimiz. Aldaǵy ýaqytta Germaniia Ýkrainaǵa qajetti Leopard 2 tanksi men aýyr áskeri mashinalaryn jetkizbeitin bolsa, munyń sońy saiasi daǵdarysqa ulasýy bek múmkin.
