Ol aldymen Ordabasy aýdanyndaǵy «KazKioti» traktor zaýytynda boldy. Ońtústik Koreia injenerleriniń úlgisi boiynsha traktor qurastyrylatyn zaýyttyń ónimine suranys joǵary. Qazir osy kásiporynnan traktor alatyn sharýalarǵa «QazAgroQarjy» qarjylyq kompaniiasy arqyly nesie berý sharalary qolǵa alynýda.
Bul zaýyt tolyq kúshine ense, jylyna 6 myń traktor qurastyrýǵa qaýharly. Ómirzaq Shókeev kásiporynnyń jumysyna oń baǵa berip, qajet bolǵan jaǵdaida memleket tarapynan qarjylai qoldaý kórsetiletinin jetkizdi. Mundai jobalar el ekonomikasyna paidaly ekenine toqtaldy. Sondai-aq Ómirzaq Shókeev Ordabasy aýdanyndaǵy jylyjailardyń jumysyna da joǵary baǵa berdi. Vedomstvo basshysyna Túrkistan oblysynyń ákimi Janseiit Túimebaev aýyl sharýashylyǵy, sonyń ishinde jylyjai isin jandandyrý baǵytynda jumystar júrgizilip jatqanyn atap ótti.
Odan keiin Ómirzaq Shókeev Arys qalasyndaǵy Aqdala aýyldyq okrýgine kelip, «Jańa Aqdala» JShS-niń egistik alqabyn aralap kórdi. Bul kásiporynda táýligine joǵary sapaly tomat jáne alma pastasy óndiriledi. 2700 gektar aýmaqty alyp jatqan kásiporyn 2009 jyly qurylǵan. Qazirgi tańda «Jańa Aqdala» JShS-inde 48 adam turaqty jumys isteidi. Al, maýsymdyq kezeńderde jumysshylar sany 200-ge jetedi.
Ómirzaq Shókeev Túrkistan oblysynda aýyl sharýashylyǵyna basa mán berilip, elge paidaly jobalar júzege asyrylý kerektigin aitty. Elbasy Joldaýynda aýyl sharýashylyǵyn damytyp, shetelge ónim satý mindeti júktelgenine toqtaldy. Sharýalarmen júzdesip, memleket tarapynan bul salaǵa qoldaý joǵary ekenin atap ótip, oblys sharýalarynyń bastamalaryna sáttilik tiledi.
Túrkistan oblysy ákiminiń baspasóz qyzmeti
