Baǵdat Ámireev Túrkistandaǵy ózgeristerge, atqarylyp jatqan jumystarǵa oń baǵasyn berip, Túrki keńesi aiasynda mańyzdy bastamalardyń birqataryn osy shaharda júzege asyrýǵa qoldaý bolatynyn jetkizdi.
– 2021 jylǵy 31 naýryzda «Túrkistan – túrki áleminiń rýhani astanasy» taqyrybynda Túrkitildes memleketterdiń yntymaqtastyq keńesi ótip, «Túrkistan deklaratsiiasy» qabyldandy. Qazirgi tańda Túrki keńesine múshe memleketter arasynda kásipkerlikti qoldaý baǵytynda ortaq investitsiialyq qor qurý jumystary júrip jatyr, – degen ol Túrki keńesi arqyly Túrkistannyń tarihi-mádeni ǵana emes, ekonomikalyq rólin arttyrý baǵytynda da igi isterdi talqylaýǵa daiyn ekenin atap ótti.
Ómirzaq Shókeev investitsiialyq qordyń resmi shtab-páterin Túrkistannan ashý jóninde usynys bildirdi. Sonymen birge Túrki keńesi uiymy aiasynda Túrkistanda erkin ekonomikalyq aimaq ashý úshin logistika máselesin sheshýge, Túrki memleketteri kásipkerleriniń forýmyn Túrkistanda qabyldaýǵa múddeli ekenin jetkizdi.
«Bizge Túrkistandy Túrki áleminiń ortalyǵyna ainaldyrý mindeti júkteldi. Osy rette baýyrlas elderge ortaq halyqaralyq uiymdardyń biriniń bas keńsesi Túrkistanda ornalasýy tiis dep esepteimin. Túrki keńesimen birlesip, aýqymdy jobalardy júzege asyrýǵa daiynbyz», – dedi oblys ákimi.
