«Tomırıs pen Shyńǵys han qazaq eken degende meniń ishim ashıdy. Bizdiń basqa aıtatyn sózimiz joq pa? Basymyzdy artqa buryp, aldyǵa qalaı júremiz? Aldyǵa qaraıtyn kez keldi. Tonı Blerdiń parlamentte aıtqan sózi bar edi. «Ulybrıtanıanyń uly tarıhy bar. Biraq biz murajaılarda ómir súre almaımyz, adamdardy kompúterge otyrǵyzatyn ýaqyt keldi» degen.
Sol sıaqty biz de oılanýymyz kerek. Sizder, ǵalymdardan, dýaly aýyzdan shyǵatyn sóz bolýy kerek. Sondyqtan, jańa jaǵdaıda Qazaqstannyń bolashaq urpaǵy qandaı bolýy kerek degen saýal týyndaıtyny zańdy.
Biz táýelsizdikke qol jetkizip, Uly Dala tósinde tuǵyrly memleket qurǵan aǵa býynbyz, osy otyrǵanda. Bizge osy kıeli jetistikterimizdi baıandy etetin, bizdiń asqaq bolmysymyzdy eseleı túsetin zerek te, zıatker urpaq kerek. Ol qandaı urpaq? Ol - rýhanı álemi baı, táýelsizdiktiń kıesin pir tutatyn, dini men mádenıetin qasterleıtin densaýlyǵy myqty, óresi bıik azamat. Sol azamatty daıyndaýymyz kerek. Ozyq tehnologıalar men ǵylymnyń bilgiri atanǵan jahandyq deńgeıdegi maman bolyp, ár jerde jumys isteı alatyn bolýy kerek. Ol úshin ana tilimen birge aǵylshyn tilin ıgerý kerek. Sonda ǵana qazaqtyń azamaty dúnıejúzilik básekege qabiletti bolady» , - dedi QR Prezıdenti.
Aıta keteıik, búgin, 22 aqpan kúni Abaı atyndaǵy Qazaq memlekettik akademıalyq opera jáne balet teatry ǵımaratynda QR Prezıdenti, QR UǴA akademıgi Nursultan Nazarbaevtyń qatysýymen akademıanyń 70 jyldyq mereıtoıyna arnalǵan Jalpy jınalystyń saltanatty sesıasy ótti.
Derekkóz: Qazaqparat agenttigi
