«توميريس پەن شىڭعىس حان قازاق ەكەن دەگەندە مەنٸڭ ٸشٸم اشيدى. بٸزدٸڭ باسقا ايتاتىن سٶزٸمٸز جوق پا? باسىمىزدى ارتقا بۇرىپ, الدىعا قالاي جٷرەمٸز? الدىعا قارايتىن كەز كەلدٸ. توني بلەردٸڭ پارلامەنتتە ايتقان سٶزٸ بار ەدٸ. «ۇلىبريتانييانىڭ ۇلى تاريحى بار. بٸراق بٸز مۇراجايلاردا ٶمٸر سٷرە المايمىز, ادامداردى كومپيۋتەرگە وتىرعىزاتىن ۋاقىت كەلدٸ» دەگەن.
سول سيياقتى بٸز دە ويلانۋىمىز كەرەك. سٸزدەر, عالىمداردان, دۋالى اۋىزدان شىعاتىن سٶز بولۋى كەرەك. سوندىقتان, جاڭا جاعدايدا قازاقستاننىڭ بولاشاق ۇرپاعى قانداي بولۋى كەرەك دەگەن ساۋال تۋىندايتىنى زاڭدى.
بٸز تەۋەلسٸزدٸككە قول جەتكٸزٸپ, ۇلى دالا تٶسٸندە تۇعىرلى مەملەكەت قۇرعان اعا بۋىنبىز, وسى وتىرعاندا. بٸزگە وسى كيەلٸ جەتٸستٸكتەرٸمٸزدٸ باياندى ەتەتٸن, بٸزدٸڭ اسقاق بولمىسىمىزدى ەسەلەي تٷسەتٸن زەرەك تە, زيياتكەر ۇرپاق كەرەك. ول قانداي ۇرپاق? ول - رۋحاني ەلەمٸ باي, تەۋەلسٸزدٸكتٸڭ كيەسٸن پٸر تۇتاتىن, دٸنٸ مەن مەدەنيەتٸن قاستەرلەيتٸن دەنساۋلىعى مىقتى, ٶرەسٸ بيٸك ازامات. سول ازاماتتى دايىنداۋىمىز كەرەك. وزىق تەحنولوگييالار مەن عىلىمنىڭ بٸلگٸرٸ اتانعان جاھاندىق دەڭگەيدەگٸ مامان بولىپ, ەر جەردە جۇمىس ٸستەي الاتىن بولۋى كەرەك. ول ٷشٸن انا تٸلٸمەن بٸرگە اعىلشىن تٸلٸن يگەرۋ كەرەك. سوندا عانا قازاقتىڭ ازاماتى دٷنيەجٷزٸلٸك بەسەكەگە قابٸلەتتٸ بولادى» , - دەدٸ قر پرەزيدەنتٸ.
ايتا كەتەيٸك, بٷگٸن, 22 اقپان كٷنٸ اباي اتىنداعى قازاق مەملەكەتتٸك اكادەمييالىق وپەرا جەنە بالەت تەاترى عيماراتىندا قر پرەزيدەنتٸ, قر ۇعا اكادەميگٸ نۇرسۇلتان نازارباەۆتىڭ قاتىسۋىمەن اكادەمييانىڭ 70 جىلدىق مەرەيتويىنا ارنالعان جالپى جينالىستىڭ سالتاناتتى سەسسيياسى ٶتتٸ.
دەرەككٶز: قازاقپارات اگەنتتٸگٸ
