Ulttyq qaýipsizdik komiteti Shymkent qalalyq sáýlet jáne qurylys basqarmasynyń basshysy Arman Abdeshovtyń qamaýǵa alynǵanyn rastady, dep habarlaidy Dalanews.kz Atameken.business-ke siltep.
Ol 13 tamyz kúni ákimdik ǵimaratynda ustalǵan. Qazirge deiin tergeýdiń tolyq málimetteri jariia etilgen joq. Komitet zań talaptaryna sai qosymsha derekter taratylmaitynyn habarlady.
Arman Abdeshov 2024 jyldyń qańtarynda basqarma basshysynyń orynbasary bolyp taǵaiyndalǵan edi. Al biyl 28 aqpanda basqarma jetekshisi qyzmetine kóterilgen.
Eske salaiyq, buǵan deiin BAQ-ta Shymkent qalasynyń bas arhitektory ustalǵany týraly aqparat tarady. Qala ákiminiń orynbasary Rýslan Berdenov osy jaitqa pikir bildirdi.
"Aqparattyq keńistikte men jaily taǵy bir jalǵan málimet tarady. Búgin ustalǵan, Shymkent qalasynyń sáýlet jáne qala qurylysy basqarmasynyń burynǵy basshysy Arman Ábdeshovke qatysty keibir derekkózder taratqan aqparatty joqqa shyǵaramyn.
Onyń "meniń adamym" ekendigi jónindegi kez kelgen málimdemelerdiń eshqandai negizi joq. Meniń oǵan esh qatysym joq. Ol bul laýazymǵa men ákimdikke kelgenge deiin taǵaiyndalǵan.
BAQ ókilderi men arna avtorlaryn jariialar aldynda derekterdi muqiiat tekserip, halyqty adastyrmaýǵa shaqyramyn", - dedi ol.
Aita keteiik,Orda.kz málimetinshe, Shymkent qalalyq sáýlet jáne qala qurylysy basqarmasynyń basshysy Arman Ábdeshov bótenniń múlkin iemdendi degen kúdikke ilingen.
