Prezıdent Qasym-Jomart Toqaev óz Joldaýlarynda elimizde sıfrlandyrýdy engizýdiń mańyzdylyǵyn aıtyp keledi. Halyqaralyq baǵalaýshylardyń málimetinshe Qazaqstan sıfrlandyrý júıesin engizýden Ortalyq Azıada alǵashqy orynda eken.  Bul baǵytta Shymkentte qala ákimi búkil qala aýmaǵyn talshyqty optıka jelisimen qamtýdy tapsyrǵan bolatyn. Osyǵan oraı qaladan shalǵaı ornalasqan shaǵyn aýdandar men turǵyn alaptardy, onymen qosa ortalyq kóshelerdi optıkamen qamtý jumystary qarqyndy júrgizilýde, – dep habarlaıdy Dalanews.kz Shymkent qalasy ákiminiń baspasóz qyzmetine silteme jasap.

Bıyl ákimdiktiń «Fishnet» kompanıasymen júrgizgen kelissózderi nátıjesinde ortalyq kóshelerdi tolyqtaı optıka jelisimen qamtý josparlanǵan bolatyn. Qazirgi tańda kompanıa qala ortalyǵyndaǵy  31 kóshege tolyqtaı talshyqty optıka jelisi júrgizildi. Bul azamattardy 200 Mbıt/sek jyldamdyǵyna deıin sapaly ınternetpen qamtamasyz etýge múmkindik beredi.

Olar – Ǵ. Iláev, Krasın, Jylqyshıev, Jeltoqsan, L.Tolstoı, Shaımerdenov, N.Tórequlov, A.Álimbetov, M.Saparbaev, M. Qoja, M. Mámetova, Sh. Ýalıhanov, Á.Tájibaev, A.Asanov, M.Sholohov, D.Saryqulov, Ǵ.Ormanov, Lıhachev, Baızaquly, S.Jandosov, Molodaıa gvardıa, K.Sıolkovskıı, Dýlatı, Qazybek bı, Q.Amanjolov, A.Dıvaev, T.Orynbaev, J.Adyrbekov, Qurmanǵazy,  Shaımerdenov ótkeli, J.Tashenov kósheleri.

Qazan aıynan bastap atalǵan kóshe turǵyndary ótinish berý arqyly optıka jelisine qosyla alady. Turǵyndar tarapynan optıka jelisine qosylýǵa ótinim berilgen jaǵdaıda joǵaryda kórsetilgen kóshelerge (200 Mbıt/sek jyldamdyǵyna deıin) sapaly ınternet «FishNet» kompanıasy arqyly jetkiziletin bolady.

Ol úshin D. Qonaev kóshesi №210 mekenjaıǵa baryp ótinish berý arqyly nemese  +7 (7252) 60 60 60 telefon nómirine habarlasý arqyly sapaly ınternetke qosyla alady.