Shymkenttik soǵys ardagerleri 1 million teńgeden syiaqy aldy
Qalalyq jumyspen qamtý jáne áleýmettik qorǵaý basqarmasynyń málimetinshe, qarajat barlyq soǵys ardagerleriniń esep-shottaryna tolyǵymen aýdarylǵan.
Sondai-aq, qalalyq máslihattyń sheshimimen 3307 tyl ardagerine 12 AEK, iaǵni 35 myń teńgeden astam bir rettik aqshalai tólem júrgizilýde. Tyl ardagerlerine barlyǵy 115 mln 758 myń teńge kóleminde qarjy bólingen.
7 mamyr – Otan qorǵaýshylar merekesi qarsańynda soǵys ardagerlerine teńestirilgen azamattarǵa, atap aitqanda, Aýǵanstanǵa jiberilgen áskeri mindettiler, 1986-1987 jyldary Chernobyl atom elektr stantsiiasyndaǵy apattyń zardaptaryn joiýǵa qatysqan adamdar, Semei poligony iadrolyq qarýdy synaýdyń saldarynan múgedek bolǵan, radiatsiialyq apattar men avariialardan zardap shekken azamattarǵa 36 AEK (105 012 teńge) kóleminde aqshalai kómek aýdarylady.
Jalpy, búgingi tańda Shymkent qalasy boiynsha zeinetkerler sany – 82 124 bolsa, onyń ishinde 21 Uly Otan soǵysynyń ardageri bar. 3307 tyl eńbekkeri jáne 1728 UOS qatysýshylarǵa teńestirilgen azamattar turady.
