Shymkent qalalyq ákimshilik soty Rýslan Janpeiisovqa qatysty qozǵalǵan ákimshilik isti toqtatty, dep habarlaidy Dalanews.kz.
Ol buǵan deiin «politsiia qyzmetkerleriniń zańdy talabyna baǵynbady, qoǵamdyq tártipti buzdy jáne quqyq qorǵaý organdaryna qurmetsizdik tanytty» degen aiyppen ákimshilik jaýapkershilikke tartylyp, qamaýǵa alynǵan edi.
Sýdia isti qarai kele, Janpeiisovtiń áreketterinde quqyq buzýshylyq quramy joq degen qorytyndyǵa kelgen.
Sondai-aq ákimshilik hattama toltyrǵan inspektorǵa qatysty jeke qaýly shyǵaryldy.
Is materialdaryna sáikes, Janpeiisovke qatysty 10 politsiia qyzmetkeri raport jazǵan.
Oqiǵa 22 sáýirge qaraǵan túni bolǵan. Rýslan Janpeiisov Báidibek bi dańǵylynda reid júrgizip júrgen Qyzylordadan kelgen politsiia qyzmetkerlerine jaqyndap, olardyń áreketin videoǵa túsirip, óz pikirin aitqan.
Kóp uzamai politsiia qyzmetkerleri ony jumys ornynda ustap áketken.
Sonymen qatar, ony qamaýǵa alý týraly qujattar tergeý izoliatoryna jetkizilgennen keiin ǵana rásimdelgeni belgili boldy.
Rýslan Janpeiisov eshqandai zań buzbaǵanyn málimdedi. Onyń aitýynsha, kerisinshe, politsiia qyzmetkerleri onyń quqyqtaryn shektegen.
