Shymkentten Ridderge gýmanitarlyq kómek tielgen 2 júk kóligi attandy
Shymkentte «Qaiyrymdy ister marafony» jalpyulttyq jobasy aiasynda órtten zardap shekken Ridder qalasy Leshoz kentiniń turǵyndaryna gýmanitarlyq júk tielgen 2 kólik jolǵa shyqty, – dep habarlaidy Dalanews.kz Shymkent qalasy ákimdiginiń baspasóz qyzmetine silteme jasap.
Qala jastarynyń bastamasymen uiymdastyrylǵan qaiyrymdylyq sharasyna Shymkent qalasy ákiminiń birinshi orynbasary Shyńǵys Muqan, máslihat hatshysy Bahadyr Narymbetov qatysty.
Shara barysynda sóz alǵan qala ákiminiń birinshi orynbasary Shyńǵys Muqan belsendi jastarǵa alǵysyn bildirip, attanatyn jol kerýenine sáttilik tiledi.
– Jastardyń belsendiligi, eldiń yntymaǵy, aýyzbirshiligi jaibaraqat kezde emes, osyndai eldiń basyna qiyndyq túsken kezde kórinedi. Qala jastary birigip, Ridderdegi jerlesterimizge kómektesip, halyq arasynda úndeý tastap, 2 júk kóligimen gýmanitarlyq kósh-kerýendi jasaqtaǵan eken. Buǵan qalamyzdaǵy kásipkerler de úles qosty. Olar zardap shekken otbasylaryna qajetti turmystyq zattardy jiberip jatyr. Memlekettiliktiń mánin túsinip, igi iske atsalysqan barsha azamattarǵa, qala jastaryna shahar basshysy Murat Dúisenbekulynyń atynan zor alǵys aitamyz, – dedi qala ákiminiń birinshi orynbasary.
Sondai-aq izgi sharaǵa qalalyq aýyl sharýashylyǵy jáne veterinariia basqarmasynyń basshysy Asqar Qanybekov, qurylys basqarmasynyń basshysy Erbol Ahmetov jáne Murat Joldyqojaev, Asqar Álimbekov, Nursultan Balabiev syndy azamattar belsendi qoldaý kórsetken. Munan bólek «Bal Tekstil» 50 kilem jetkizse, birqatar kásipker azamattar zardap shekken otbasylarǵa azyq-túlikpen qatar qysqa tolqyndy pesh, ydys-aiaq jibergen.
Aita keteiik, 2021 jylǵy 10 mamyrda Shyǵys Qazaqstan oblysy Ridder orman sharýashylyǵynda órt shyqqan bolatyn. Tilsiz jaýdan zardap shekken turǵyndarǵa kómek kórsetý aldaǵy ýaqytta da jalǵasady.
