Búgin Shymkent qalalyq mádenıet, tilderdi damytý jáne arhıvtik basqarmasyna qarasty Shymkent qalalyq Zoologıalyq saıabaǵynyń basshysy Buqarbaı Nurǵazy arnaıy pres týr júrgizdi.
Negizgi maqsaty, áleýmettik jelilerde taraǵan haıýanattar baǵyndaǵy janýarlar azyjaıynda teris pikir, synı maqalalarǵa jaýap retinde boldy.
Osy oraıda Buqarbaı Nurǵazy:
—«Zoobaqty jabý, balalardyń balalyq shaǵyna balta shabý dep bilemin. Munda kúndelikti qanshama balalar ańdardy tamashalaýǵa keledi. Saıabaqty jabý kerek degen pikirge kelispeımin. Jyldan jylǵa zoobaqtaǵy ańdar kóbeıip, jańa túrimen tolyǵýda. Demek jumys jaqsy júrgizilýde. Aıý, arystan sekildi ańdarǵa arnap jańa oryn daıyndalyp jatyr. Buıyrsa jaqynda jaıǵasatyn bolady» dedi.
Jalpy Shymkent qalasyndaǵy zoologıalyq saıabaq 1980 jyly 19 sáýirde ashylǵan. Alǵashqy kezde 75 ań túriniń 350 danasy bolǵan. Al qazir 290 túrli 2612 bas janýar bar. Onyń ishinde Qyzyl Kitabyna ańdardyń 24 túri engen.
Qaıta jańartýdan ótken saıabaqqa búgin arnaıy baspasóz týry ótkizildi. Qala máslıhatynyń depýtattary men jýrnalıser jan-janýarlardyń jaǵdaıyn kórip, jańarǵan zoobaqty kórdi. Baqtaǵy janýarlardyń dúnıejúzilik standarttarǵa sáıkestendirilgen oryndarda jaıǵastyrylǵanyna kóz jetkizdi.
30,08 gektar aýmaqty alyp jatqan janýarlar baǵy elimizdegi úsh zoobaqtyń biri. Kásiporynnyń 138 qyzmetkeri haıýandardyń kútimimen aınalysady.
Olar árbir janýardyń tazalyǵyna, dezınfeksıasyna, tamaq rejımderi, túrli aýrýlarǵa qarsy ekpe saldyrýyna, densaýlyǵyna asa mán berip, jiti baqylap otyrady.
Qazirgi tańda atalǵan orynda jóndeý jumystary júrgizilip jatyr. Tolyǵymen 2023 jyly aıaqtalady dep josparlanǵan.
Pres týrǵa arnaıy kelgen qonaqtar kóńilderi tolyp, kózben kórip, zoobaqtyń jańasha damýy tánti etti. Osylaısha jaqsy kóńil kúımen tarqasty.
Aıta keteıik,kirý bıleti: 17 jastan joǵary - 600 tg, balalarǵa (6-dan 17 jasqa deıin) - 300tg
6 jasqa deıingi balalarǵa – TEGİN, Ardagerler men I, II top múgedekterine – TEGİN.
