بۇگىن شىمكەنت قالالىق مادەنيەت، تىلدەردى دامىتۋ جانە ارحيۆتىك باسقارماسىنا قاراستى شىمكەنت قالالىق زوولوگيالىق ساياباعىنىڭ باسشىسى بۇقارباي نۇرعازى ارنايى پرەسس تۋر جۇرگىزدى.

نەگىزگى ماقساتى، الەۋمەتتىك جەلىلەردە تاراعان حايۋاناتتار باعىنداعى جانۋارلار ازىجايىندا تەرىس پىكىر، سىني ماقالالارعا جاۋاپ رەتىندە بولدى.

وسى ورايدا بۇقارباي نۇرعازى:

—«زووباقتى جابۋ، بالالاردىڭ بالالىق شاعىنا بالتا شابۋ دەپ بىلەمىن. مۇندا كۇندەلىكتى قانشاما بالالار اڭداردى تاماشالاۋعا كەلەدى. ساياباقتى جابۋ كەرەك دەگەن پىكىرگە كەلىسپەيمىن. جىلدان جىلعا زووباقتاعى اڭدار كوبەيىپ، جاڭا تۇرىمەن تولىعۋدا. دەمەك جۇمىس جاقسى جۇرگىزىلۋدە. ايۋ، ارىستان سەكىلدى اڭدارعا ارناپ جاڭا ورىن دايىندالىپ جاتىر. بۇيىرسا جاقىندا جايعاساتىن بولادى» دەدى.

جالپى شىمكەنت قالاسىنداعى زوولوگيالىق ساياباق 1980 جىلى 19 ساۋىردە اشىلعان. العاشقى كەزدە 75 اڭ ءتۇرىنىڭ 350 داناسى بولعان. ال ءقازىر 290 ءتۇرلى 2612 باس جانۋار بار. ونىڭ ىشىندە قىزىل كىتابىنا اڭداردىڭ 24 ءتۇرى ەنگەن.

قايتا جاڭارتۋدان وتكەن ساياباققا بۇگىن ارنايى باسپا ءسوز تۋرى وتكىزىلدى. قالا ءماسليحاتىنىڭ دەپۋتاتتارى مەن جۋرناليستەر جان-جانۋارلاردىڭ جاعدايىن كورىپ، جاڭارعان زووباقتى كوردى. باقتاعى جانۋارلاردىڭ دۇنيەجۇزىلىك ستاندارتتارعا سايكەستەندىرىلگەن ورىنداردا جايعاستىرىلعانىنا كوز جەتكىزدى.

30،08 گەكتار اۋماقتى الىپ جاتقان جانۋارلار باعى ەلىمىزدەگى ءۇش زووباقتىڭ ءبىرى. كاسىپورىننىڭ 138 قىزمەتكەرى حايۋانداردىڭ كۇتىمىمەن اينالىسادى.

ولار ءاربىر جانۋاردىڭ تازالىعىنا، دەزينفەكسياسىنا، تاماق رەجيمدەرى، ءتۇرلى اۋرۋلارعا قارسى ەكپە سالدىرۋىنا، دەنساۋلىعىنا اسا ءمان بەرىپ، ءجىتى باقىلاپ وتىرادى.

قازىرگى تاڭدا اتالعان ورىندا جوندەۋ جۇمىستارى جۇرگىزىلىپ جاتىر. تولىعىمەن 2023 جىلى اياقتالادى دەپ جوسپارلانعان.

پرەسس تۋرعا ارنايى كەلگەن قوناقتار كوڭىلدەرى تولىپ، كوزبەن كورىپ، زووباقتىڭ جاڭاشا دامۋى ءتانتى ەتتى. وسىلايشا جاقسى كوڭىل كۇيمەن تارقاستى.

ايتا كەتەيىك،كىرۋ بيلەتى: 17 جاستان جوعارى -  600 تگ،  بالالارعا  (6-دان 17 جاسقا دەيىن) - 300تگ
6 جاسقا دەيىنگى بالالارعا – تەگىن، ارداگەرلەر مەن I، II توپ مۇگەدەكتەرىنە  –  تەگىن.