Mereke qaladaǵy Ortalyq atshabardaǵy ulttyq sport oiyn túrlerinen ótken jaryspen jalǵasty. Atap aitqanda, kókpar, báige, qyz qýý oiyndary jinalǵan jurttyń delebesin qozdyrdy. Biylǵy Naýryz meiramyndaǵy saiystyń ereksheligi alǵashqy ret tai jarysy men qysqa qashyqtyqtaǵy at jarysy ótti. Sondai-aq, qonaqtar jamby atý, aýdaryspaq, teńge ilý, tazy-tóbet jarysy, qoshqar kóterý syndy saiystardy tamashalady. Ulttyq oiyndar da shet qalmady, ásirese, umyt bola bastaǵan shógen oiyny alǵash ret kórsetilip, kópshilikti tamsandyrdy.
Bul kúngi negizgi merekelik shara Naýryz alańyndaǵy «Naýryz kóktem – Shymqala» tartýymen jalǵasyp tapty. Alǵashqy bolyp kúngei óńir turǵyndaryna aq tilegin arnaǵan oblys basshysy Ulystyń uly kúnimen quttyqtady
– Naýryz meiramy – tabiǵattyń tylsym qudireti kún men túnniń teńeser sátine tuspa-tus kelgenimen erekshelenedi. Naýryz– ejelden jańa men jaqsynyń, meiirim men shapaǵattyń, ádep pen imandylyqtyń bastaýy bolyp otyrǵan. Bul kún – jańarý, jasarý kezeńi. Ulystyń uly kúni dál búgin otyzynshy ret toilanyp otyr. Bul – Táýelsizdigimizdiń, Memleket basshysynyń júrgizip otyrǵan saiasatynyń jemisi. Bizdiń qasietti ońtústik jerine kóktem erte keledi. Sondyqtan da ońtústik jurty bul merekege erekshe yqylaspen daiyndalady. Ulystyń Uly kúninde, Qydyr daryǵan qadir tańynda tilegen armandarymyz oryndala bersin, – dedi Janseiit Qanseiituly.
Sondai-aq, aimaq basshysy oblysqa eńbegi sińgen birqatar azamattardy «Oblystyń Qurmetti azamaty» ataǵymen marapattady.
Merekelik tartý «Shattyq», «Aigólek» bi ansamblderiniń “Kóktem Ońtústikten bastalady” atty horeografiialyq qoiylymymen jalǵasty. Sahnada kóktemge arnalyp “Aitys” mýzykalyq nómiri kórsetildi. Ońtústik halqyn ulyq merekemen quttyqtap, elimizge belgili “Ulytaý”, “Alashuly”, “Órken” syndy ujymdar ánnen shashý shashty. Sh.Qaldaiaqov atyndaǵy oblystyq filarmoniianyń Súgir atyndaǵy ult aspaptar orkestri men oblystyq opera jáne balet teatrynyń simfoniialyq orkestri elge kóterińki kóńil syilady.
Budan bólek oblys ákimi dál osy Naýryz meiramynda «Nurly jol» baǵdarlamasy aiasynda salynǵan ákimshilik iskerlik ortalyǵyndaǵy №37 úidiń páter kiltterin ielerine tabystady. Ulystyń uly kúninde baspanaly bolǵan otbasylar qýanyshqa keneldi.
OQO ákiminiń baspasóz qyzmeti
