Búgin Shymkent qalasynda «Astananyń 20 jyldyǵyna - 20 nysan» aktsiiasy aiasynda «Astana» shaǵyn aýdany men «Astana» gúlzary ashyldy.
Sonymen qatar, oblystyq ákimshilik-iskerlik ortalyǵy aýmaǵynda ornalasqan osy shaǵynaýdannan turǵyndarǵa jańa páterlerdiń kilti tapsyryldy. Saltanatty sharaǵa qatysqan oblys ákimi Janseiit Túimebaev pen qala ákimi Nurlan Saýranbaev kópshilikti osy qýanyshty sátpen quttyqtady.
– Shymkent – elimizde Astana men Almaty qalalarynan keiingi eń iri shahar. Búgin qalany odan ári jasyldandyryp, kórkinarttyrý maqsatynda «Astana» halyqtyń igiligine paidalanýǵa berilip otyr. Ózderińiz tamashalap otyrǵan gúlzardyń ortalyq alańynda ornalasqan shańyraq beinesi halqymyzdyń ulttyq birligi men tatýlyǵyn meńzep turǵandai. Sondai-aq, búgin Astananyń 20 jyldyq merekesi qarsańynda qala turǵyndaryna jańa páter kiltin tapsyrǵaly turmyz. Bul jetistikterdiń barlyǵyna táýelsizdigimizdiń jáne Elbasymyzdyń arqasynda qol jetkizip otyrmyz. Barshańyzǵa sáttilik, shańyraqtaryńyzǵa qut-bereke tileimin. Qonystaryńyz qutty bolsyn! – dedi Janseiit Qanseiituly.
«Nurly jer» baǵdarlamasy boiynsha salynǵan bul úidiń páterleri áleýmettik az qamtylǵan otbasylar men jetimderge jáne uzaq ýaqyttan beri turǵyn úi kezeginde turǵan azamattarǵa berildi. Jalpy, ákimshilik-iskerlik ortalyǵynda osy ýaqytqa deiin 90 myń sharshy metr turǵyn úi paidalanýǵa berilgen. Qazirgi tańda munda kópqabatty 27 turǵyn úidiń qurylysy júrgizilip jatyr. Endi bul móltekaýdan «Astana» dep atalatyn boldy.
Al, aýmaǵy 1 gektarǵa jýyq gúlzarda shynar, kashtan, qaiyń aǵashtary men túrli gúlder otyrǵyzylyp, oryndyqtar men jaryqshamdar, balalarǵa arnalǵan oiyn alańshalary ornatylǵan. Aldaǵy ýaqytta da qalany abattandyrý baǵytynda jumystar jalǵasyn tabady.
