Túrkiia Respýblikasy Mádeniet Ministrligi men OQO ákimdiginiń uiymdastyrýymen 1-5 qarasha aralyǵynda Shymkent qalasyndaǵy «Shymkent plaza» oiyn-saýyq ortalyǵynyń kino zalynda tarihi, drama baǵytyndaǵy filmder kúngei kórermenderiniń nazaryna usynylatyn bolady.
Túrik filmderi aptalyǵynyń saltanatty ashylý rásimine Ońtústik Qazaqstan oblysynyń ákimi Janseiit Túimebaev, Túrkiia memleketinen kelgen qonaqtar - Eýraziia Azamattyq Qoǵamdyq birlestiginiń tóraǵasy Ismail Safi, Túrkiia Respýblikasynyń Eńbek sińirgen qairatkerleri men rejisserlary Erhan Baitemýr, Kiýrshat Kyzbaz, kinoakterlar Týrgai Atalai, Achelia Elmas, Fýrkan Palaly qatysty.
Jalpy bul kórsetilimniń basty maqsaty túrki elderine ortaq, mədenieti men ədebietin arqaý etken tarihi filmderdi nasihattaý, kinorejisserler men akterlar arasyndaǵy shyǵarmashylyq bailanysty nyǵaitý, təjiribe almasýǵa jol ashý bolyp tabylady.
Kino kez kelgen memlekettiń mádeni ainasy ekenin aitqan oblys ákimi J.Túimebaev ol halyqtyń turmys-salty men dástúrin dáripteitin qural bolyp sanalatynyn jetkizdi.
[caption id="attachment_31803" align="alignleft" width="400"]
– Búginde búkil álem kino men telehikaia salasyna úlken den qoiyp júr. Bizdiń elimizde de kino salasyna jiti kóńil bólinip, keńinen nasihattalyp keledi. Sebebi, kino jai ǵana óner emes, ol qoǵamnyń ulttyq ideologiiasyn qalyptastyratyn negizgi quraldyń biri. Sondyqtan da, kez kelgen memleket óz kinoindýstriiasynyń damýyna zor múmkindikter jasaidy. Al kino men animatsiia salasy da Ońtústik Qazaqstan oblysynda da damyp kele jatyr. Kino salasynda júrgen azamattar Elbasymyzdyń «Bolashaqqa baǵdar: rýhani jańǵyrý» maqalasynda atap kórsetken ulttyq rýhty arqaý etken dúnielerdi túsirý arqyly óskeleń urpaqtyń júreginde maqtanysh sezimin oiatyp, patriottyqqa tárbieleýimiz qajet. Osy baǵytty maqsat tutqan oblysymyzdaǵy jeke kinostýdiialardyń 40-tan asa kórkem filmderi kórermenge jol taratty, – dedi ákim.
Aita keteiik, 1 qarasha kúni saǵat 20.30-da «Spetsnaz v Sirii» filminiń kórsetilimi 5-shi zalda; 2 qarasha kúni saǵat 18.00-de «120» filminiń kórsetilimi, saǵat 20.10-da «Dlinnaia istoriia» filminiń kórsetilimi 3-shi zalda ótedi; 3 qarasha kúni saǵat 18.00-de «Moia liýbov», saǵat 19.45-te «Djan» filmderiniń kórsetilimi 3-shi zalda ótedi; 4 qarasha kúni, saǵat 18.00-de «Svet moih ochei», saǵat 19.35-te «Poslednee pismo» filmderiniń kórsetilimi 3-shi zalda ótedi; 5 qarasha kúni, saǵat 19.35-te «Starik pekar: Sekret liýbvi» filminiń kórsetilimi jáne «Túrik filmderi aptalyǵynyń» jabylý saltanaty «Shymkent plaza» oiyn-saýyq saýda ortalyǵynyń 3-shi qabatynda ótedi.
Eske salaiyq, túrik filmderi aptalyǵynda ótetin barlyq kinolar aqysyz.
OQO ákiminiń baspasóz qyzmeti
