8 sáýir kúni elimizde respýblika boiynsha «Taza Qazaqstan» ekologiialyq aktsiiasy bastaý aldy. Naýqan bes aptaǵa sozylady jáne ár aptanyń ózindik taqyryby men naqty maqsaty bar.
Atalǵan naýqanǵa Shymkent qalasynyń turǵyndary da erekshe qoldaý bildirip, jumystardy belsendi bastap ketti, dep habarlaidy Dalanews.kz.
Ekologiialyq aktsiianyń alǵashqy aptasy «Taza ólke» aptalyǵy aiasynda qala turǵyndary, qoǵam belsendileri, uiymdar men kásiporyndardyń qyzmetkerleri irgeles aýmaqtar men belgilengen aýlalardy tazalaý, kógaldandyrý, aǵashtardy kútip-baptaý jumystaryn júrgizýde.
Al búgin Shymkentte #TazaShym atty jalpy qalalyq tazalyq is-sharasy ótkizildi. Is-shara barysynda barlyq aýdandar men eldi-meken aýmaqtarynda tazalaý jumystary júrgizildi.
Solardyń biri Abai aýdany aýmaǵynda ótkizildi. Naýqanǵa «Shymsiti», «Turan», «Asar» jáne ózge de irgeles shaǵyn aýdandarynyń 500-den astam turǵyndary qatysyp, 20-jýyq tehnika jumyldyryldy. Qatysýshylar aýlalardy, jer asty jáne jol ústi júrginshiler joldaryn, aialdamalardy, sonymen birge Báidibek bi dańǵyly men A2 tas joly boiyn tazalaý jáne abattandyrý jumystaryn júrgizdi.
Is-sharaǵa turǵyndarmen birge aýyl bii, eńbek ardageri, otbasy jáne áielder isteri jónindegi komissiianyń múshesi – O.Tájibaeva, №90 mektep direktory – A.Orynbaev, belsendi jas – G.Qudaibergen, ardagerler, jastar ókilderi jáne basqa da qoǵam belsendileri men tanymal azamattar atsalysyp, qoldaý kórsetti
