Áýezov atyndaǵy Ońtústik Qazaqstan ýniversitetiniń rektory Qairat Nurmanbetovtiń ustalýyna qatysty jańa aqparat paida boldy, dep habarlaidy Dalanews.kz.
Qarjylyq monitoring agenttigi Tengrinews.kz redaktsiiasynyń resmi saýalyna jaýap bergen. Aldyn ala málimetke sáikes, rektorǵa qatysty tergeý isin Shymkent qalasynyń Ekonomikalyq tergeý departamenti júrgizýde.
“Shymkent qalasy boiynsha Ekonomikalyq tergeý departamenti Ońtústik Qazaqstan ýniversitetiniń laýazymdy tulǵalaryna qatysty biýdjet qarajatyn asa iri kólemde urlaý faktisi boiynsha sotaldy tergeý júrgizip jatyr”, - dep habarlady agenttik.
Sonymen qatar, tergeý Qylmystyq-protsestik kodekstiń 201-baby aiasynda qupiia túrde júrgiziletinin de qosty.
Eske sala keteiik, buǵan deiin Áýezov atyndaǵy Ońtústik Qazaqstan ýniversitetiniń rektory Qairat Nurmanbetovtiń eki aiǵa qamaýǵa alynǵany habarlanǵan bolatyn.
