Shymkent qalasy turǵynynyń ólimi boiynsha qylmystyq is qozǵaldy, dep habarlaidy Dalanews.kz.
Aldyn ala málimetke sáikes kúdikti jábirlenýshige ózara jaqtyrmaýshylyq negizinde pyshaq jaraqattaryn salǵan. Áiel oqiǵa ornynda alǵan jaraqattarynan kóz jumdy.
Oqiǵa týraly politsiiaǵa kýágerler habarlaǵan.
"Politseiler kúdiktini izin sýytpai ustady. Ustaý kezinde qarýly kúdikti qarsylyq kórsetkendikten, qoldanystaǵy zańnama talaptaryna sáikes politsiia qyzmetkerleri tabeldik qarý qoldanýǵa májbúr boldy", - dedi politsiia.
Kúdikti meditsinalyq mekemege jetkizildi jáne politsiianyń kúzetinde.
Qazir oqiǵanyń barlyq mán-jaiyn anyqtaýǵa baǵyttalǵan tergeý áreketteri júrgizilip jatyr.
