Búgin Shymkent qalasynda AES salýdy qoldaý jónindegi Halyqtyq shtabtyń óńirlerde halyqpen kezdesýi jalǵasty. Shymkenttegi Shtab músheleri atom elektr stantsiiasynyń artyqshylyǵy týraly áńgimelesti, – dep habarlaidy Dalanews.kz Halyqtyq shtabtyń baspasóz qyzmetine silteme jasap.
Kezdesý elimizdegi jetekshi tehnikalyq joǵary oqý oryndardyń biri sanalatyn M.Áýezov atyndaǵy Ońtústik Qazaqstan ýniversitetiniń stýdentterimen júzdesýden bastaldy.
Bilim ordasynyń shákirtteri birqatar tehnikalyq mamandyq boiynsha bilim alady, sondai-aq ǵylymi zertteýler júrgiziledi. Bolashaq injenerler Atom elektr stantsiiasy ideiasynyń eldi odan ári damytý jáne óndiris salasynda jańa mýltiplikativti múmkindikter jasaý baǵytyndaǵy barlyq perspektivany jaqsy túsinedi. Sondyqtan stýdentter, jas ǵalymdar, jastar uiymdarynyń belsendileri kezdesýde AES salý ideiasyn tolyq qoldaityndaryn málimdedi.
Májilis Spikeri, «AMANAT» partiiasynyń Tóraǵasy Erlan Qoshanov atom elektr stantsiiasy ekonomikanyń, ónerkásiptiń, bilimniń, ǵylymnyń damýyna tyń serpin beretin asa mańyzdy joba ekenin erekshe atap ótti. AES túrli táýekeldiń aldyn alyp, elimizdi qýatty energetikalyq bazasy bar progressivti memleketterdiń qataryna qosady.
– AES salý – bir kúnniń máselesi emes. Jobany iske asyrý on jyldy, tipti odan da kóp ýaqytty alady. Bárińiz de ekonomikasy damyǵan, bolashaǵy zor, qýatty da táýelsiz Qazaqstanda ómir súrgilerińiz keletini sózsiz. Prezidentimiz Qasym-Jomart Toqaevtyń da kózdegeni – osy. Qazirgi qolǵa alynyp jatqan ister, eń aldymen, sizder úshin jasalyp jatyr. Endeshe, batyl sheshim qabyldaityn ýaqyt jetti. Al batyl sheshimdi qabyldaityn – jastar! Olai bolsa, aldaǵy referendýmda AES salýǵa qoldaý kórsetip, óz bolashaqtaryńyz úshin durys tańdaý jasaýlaryńyz qajet, – dedi Erlan Qoshanov jastarǵa qarata aitqan sózinde.
Áńgimelesý barysynda Halyqtyq shtab músheleri AES qurylysy jastarǵa mol múmkindik beretinin atap ótti. Atap aitqanda, laiyqty jalaqysy bar onmyńdaǵan jańa joǵary bilikti jumys orny qurylady. Qazaqstandaǵy joǵary oqý oryndardyń túlekteri AES qurylysyna qatysýǵa jáne otandyq atom indýstriiasynda qyzmet etýge qajet barlyq múmkindikke ie. Bolashaqta atom energetikasyn damytýdyń tiisti memlekettik baǵdarlamasy ázirlenip, onda AES qajettiligine qarai arnaiy kadr daiarlaýǵa erekshe kóńil bólinedi.
Qala jastary atynan energetika jáne dástúrli emes energetikalyq júieler kafedrasynyń PhD doktory Nursultan Faiz, jas ǵalym Isabek Ázimhan, jastar ortalyǵynyń direktory Aqan Besbaev, Stýdenttik parlamenttiń tóraǵasy Sabina Saǵyntai AES-ty qoldaýǵa qatysty óz oi-pikirlerin bildirdi. Olar Qazaqstannyń progresten tys qala almaitynyn, sondyqtan bizge energiia berip qana qoimai, otandyq ǵylym men tehnologiiany jańa deńgeige kóteretin, jastarǵa jańa múmkindikter jasaityn atom elektr stantsiiasy qajet ekenine senim bildirdi.
Budan soń AES salýdy qoldaý jónindegi Halyqtyq shtab músheleri ziialy qaýym ókilderimen kezdesti. Is-shara barysynda Qazaqstandaǵy atom energetikasyn damytý perspektivalary jáne aldaǵy 6 qazanda ótetin jalpyhalyqtyq plebistsitte AES-ty qoldap, durys sheshim qabyldaýdyń mańyzy talqylandy. Áńgimelesý barysynda referendýmǵa qatysý úshin turǵyndardy jumyldyrý qajet ekenine erekshe nazar aýdaryldy. Halyqtyq shtab qoǵamda zor bedelge ie ziialy qaýym ókilderiniń atsalysýy el Táýelsizdigin odan ári nyǵaitatyn AES-tyń mańyzyn adamdarǵa durys jetkizýge múmkindik beretinine senimdi.
Osy kúni Shtab músheleri «Tassai» indýstriialyq aimaǵyna baryp, kásipkerlermen jáne eńbek ujymdarymen kezdesti. Olar AES salynǵan jaǵdaida eldiń ekonomikalyq jaǵdaiy qalai ózgeretinin aitty. Atap aitqanda, uzaq ýaqyt paidalanýǵa bolatyn mundai stantsiia kásiporyndar úshin asa mańyzdy elektr energiianyń turaqty jáne qoljetimdi tarifin qamtamasyz etedi. Bul qadam zaýyttardyń, fabrikalardyń óndiris shyǵynyn azaityp, óz tiimdiligin arttyrýǵa múmkindik beredi.
Sondai-aq, Shtab músheleri kásipkerlerge Qazaqstan 2060 jylǵa qarai kómirtekti beitaraptyq boiynsha mindetteme qabyldaǵanyn eske saldy. Iaǵni kómir tehnologiiasymen óndiriletin barlyq taýarǵa álemdik naryqta qosymsha salyq salynady. Elektr energiianyń 70%-yn kómir stantsiialarynan alatyn Qazaqstan úshin bul aitarlyqtai kedergi bolýy múmkin. Sondyqtan AES salý qazaqstandyq ónimniń halyqaralyq deńgeidegi básekege qabiletin arttyrýda strategiialyq mańyzǵa ie.
Kezdesý sońynda kásipkerler men jumysshylar aldaǵy referendýmǵa belsendi qatysyp, AES-ty qoldaýǵa daiyn ekenderin jetkizdi. Olardyń aitýynsha, atom energetikasyn damytý Qazaqstannyń energetikalyq táýelsizdigin qamtamasyz etip qana qoimai, elimizde ozyq tehnologiialardy engizýge, sheteldik investitsiialardy kóbirek tartýǵa, óndiristi ulǵaitýǵa jáne jańa jumys oryndaryn ashýǵa múmkindik beredi.
Halyqtyq shtabtyń baspasóz qyzmeti
Tapsyrys berýshi: Ospanov M.J.
«AMANAT» partiiasy» QB qarajatynan tólendi
