Basshylyq jelidegi jazba astyna laıyq degen belgi qoıyp, pikir qaldyrmaǵandar jastardyń tizimin quryp, olardyń ábden jer-jebirine jetken. Osyndaı jelidegi shaǵymnnan keıin  Shymkent Jastar resýrstyq ortalyǵynyń basshysy tártiptik jazaǵa tartyldy, dep habarlaıdy Dalanews.kz.

Jastar ortalyqtyń jelide jarıalaǵan jazbasyna laıyq basyp, pikir qaldyrmaǵandary úshin ózderiniń jazbasha sógis alyp, aýyzsha eskertý estigenderin aıtady, dep habarlaıdy 31 arna.

İshki  saıasat basqarmasy jaǵdaıdy eki qyzmetker arasyndaǵy ishki janjal dep atady. Basshy ózine eshkim shaǵymdanbaǵanyn, al "e-Ótinish" platformasyna aryz jazba jarıalanǵan soń bir kúnnen keıin kelip túskenin aıtady.

"Ókinishke qaraı, qazir aldymen áleýmettik jelide shý kóterip, sodan keıin máselemen aınalysý sánge aınalǵan. Ia, bul jaǵdaıda ortalyq basshysy, azdap bolsyn asyra siltegen. Qyzmetkerlerdi laıyq basýǵa májbúrleý – durys emes. Eger áleýmettik jelidegi "belsendilikti" shyn qalasańyz, onda shynymen de mazmundy kontent qurýǵa kúsh salǵan durys. Ortalyq basshysyna qatysty tártiptik jaza qoldaný týraly sheshim qabyldandy", - dep túsindirdi ishki saıasat jáne jastar basqarmasynyń basshysy Áıgerim Jumaǵulova.