Endi qazaqstandyq túlekter Malaiziia ýniversitetterine UBT sertifikaty arqyly túse alady. Malaiziianyń Joǵary bilim ministrligi qazaqstandyq testti resmi túrde moiyndap, ony bakalavriatqa qabyldaý qujattarynyń qataryna engizdi, dep habarlaidy dalanews.kz.
Osylaisha talapkerlerge endi barlyq jaǵdaida Foundation baǵdarlamasynan ótý mindetti bolmaidy. Degenmen ár ýniversitet ótý baly men qosymsha talaptardy ózderi belgileidi.
Al aǵylshyn tilinde oqytatyn baǵdarlamalarǵa túsý úshin burynǵydai IELTS, TOEFL nemese soǵan teń halyqaralyq sertifikattar qajet. Keibir oqý oryndary talapkerlerden suhbat, ishki emtihan nemese portfolio suraýy múmkin.
