باسشىلىق جەلىدەگى جازبا استىنا لايىق دەگەن بەلگى قويىپ، پىكىر قالدىرماعاندار جاستاردىڭ ءتىزىمىن قۇرىپ، ولاردىڭ ابدەن جەر-جەبىرىنە جەتكەن. وسىنداي جەلىدەگى شاعىمننان كەيىن شىمكەنت جاستار رەسۋرستىق ورتالىعىنىڭ باسشىسى تارتىپتىك جازاعا تارتىلدى، دەپ حابارلايدى Dalanews.kz.
جاستار ورتالىقتىڭ جەلىدە جاريالاعان جازباسىنا لايىق باسىپ، پىكىر قالدىرماعاندارى ءۇشىن وزدەرىنىڭ جازباشا سوگىس الىپ، اۋىزشا ەسكەرتۋ ەستىگەندەرىن ايتادى، دەپ حابارلايدى 31 ارنا.
ىشكى ساياسات باسقارماسى جاعدايدى ەكى قىزمەتكەر اراسىنداعى ىشكى جانجال دەپ اتادى. باسشى وزىنە ەشكىم شاعىمدانباعانىن، ال "ە-وتىنىش" پلاتفورماسىنا ارىز جازبا جاريالانعان سوڭ ءبىر كۇننەن كەيىن كەلىپ تۇسكەنىن ايتادى.
"وكىنىشكە قاراي، ءقازىر الدىمەن الەۋمەتتىك جەلىدە شۋ كوتەرىپ، سودان كەيىن ماسەلەمەن اينالىسۋ سانگە اينالعان. يا، بۇل جاعدايدا ورتالىق باسشىسى، ازداپ بولسىن اسىرا سىلتەگەن. قىزمەتكەرلەردى لايىق باسۋعا ماجبۇرلەۋ – دۇرىس ەمەس. ەگەر الەۋمەتتىك جەلىدەگى "بەلسەندىلىكتى" شىن قالاساڭىز، وندا شىنىمەن دە مازمۇندى كونتەنت قۇرۋعا كۇش سالعان دۇرىس. ورتالىق باسشىسىنا قاتىستى تارتىپتىك جازا قولدانۋ تۋرالى شەشىم قابىلداندى"، - دەپ ءتۇسىندىردى ىشكى ساياسات جانە جاستار باسقارماسىنىڭ باسشىسى ايگەرىم جۇماعۇلوۆا.
