Atap aıtqanda, Abaı aýdany Altyntóbe turǵyn alabyndaǵy 208 úı keler jyly kógildir otynǵa qosylady. Qazirgi tańda «Jylý Energo Remont» kompanıasy qurylys jumystaryn júrgizip jatyr.
Al, Kókbulaq turǵyn alabyna gaz júıesin tartý jumystary boıynsha jobalyq smetalyq qujaty daıyndalyp bitti.
Sonymen qatar, Abaı aýdanyndaǵy shalǵaı ornalasqan on bir myńnan asa turǵyn úıge gaz júıesin júrgizý boıynsha usynys berildi.
Onyń ishinde, Aqtas shaǵyn aýdany (495 úı), Táýelsizdikke 20 jyl turǵyn alaby (716 úı), Aıkól turǵyn alaby (66 úı), Aqtas-2 turǵyn alaby (115 úı), Arǵymaq shaǵyn aýdany (2000 úı), Yntymaq-2 shaǵyn aýdany (2000 úı), Soltústik saıajaı shaǵyn aýdany (4875 úı), Qursaı shaǵyn aýdany (783 úı).
Aıta ketý kerek, qaladaǵy shaǵyn aýdandar men turǵyn alaptardy turaqty túrde sapaly tabıǵı gazben qamtamasyz etý maqsatynda, magıstraldy gaz taratý júıesi boıynsha 200 000m3/saǵ. kuraıtyn jańa úshinshi avtomattandyrylǵan gaz taratý stansıasynyń (AGRS-3) qurylys jumystaryn júrgizýge respýblıkalyq búdjetten 2,4 mlrd teńge qarastyrylǵan.
