شىمكەنت قالاسىنىڭ اكىمى مۇرات ايتەنوۆ بۇگىندە شاھاردى گازداندىرۋ ماسەلەسىن ءجىتى باقىلاۋعا الىپ وتىر. وسىعان وراي، قالانىڭ شالعاي اۋداندارىن كوگىلدىر وتىنمەن قامتاماسىز ەتۋ جۇمىسى قارقىن الدى.

اتاپ ايتقاندا، اباي اۋدانى التىنتوبە تۇرعىن الابىنداعى 208 ءۇي كەلەر جىلى كوگىلدىر وتىنعا قوسىلادى. قازىرگى تاڭدا «جىلۋ ەنەرگو رەمونت» كومپانياسى قۇرىلىس جۇمىستارىن جۇرگىزىپ جاتىر.

ال، كوكبۇلاق تۇرعىن الابىنا گاز جۇيەسىن تارتۋ جۇمىستارى بويىنشا جوبالىق سمەتالىق قۇجاتى دايىندالىپ ءبىتتى.

سونىمەن قاتار، اباي اۋدانىنداعى شالعاي ورنالاسقان ون ءبىر مىڭنان اسا تۇرعىن ۇيگە گاز جۇيەسىن جۇرگىزۋ بويىنشا ۇسىنىس بەرىلدى.

ونىڭ ىشىندە، اقتاس شاعىن اۋدانى (495 ءۇي)، تاۋەلسىزدىككە 20 جىل تۇرعىن الابى (716 ءۇي)، ايكول تۇرعىن الابى (66 ءۇي)، اقتاس-2 تۇرعىن الابى (115 ءۇي)، ارعىماق شاعىن اۋدانى (2000 ءۇي)، ىنتىماق-2 شاعىن اۋدانى (2000 ءۇي)، سولتۇستىك ساياجاي شاعىن اۋدانى (4875 ءۇي)، قۇرساي شاعىن اۋدانى (783 ءۇي).

ايتا كەتۋ كەرەك، قالاداعى شاعىن اۋداندار مەن تۇرعىن الاپتاردى تۇراقتى تۇردە ساپالى تابيعي گازبەن قامتاماسىز ەتۋ ماقساتىندا، ماگيسترالدى گاز تاراتۋ جۇيەسى بويىنشا  200 000م3/ساع. كۇرايتىن جاڭا ءۇشىنشى اۆتوماتتاندىرىلعان گاز تاراتۋ ستانسياسىنىڭ (اگرس-3) قۇرىلىس جۇمىستارىن جۇرگىزۋگە  رەسپۋبليكالىق بيۋدجەتتەن 2،4 ملرد تەڭگە قاراستىرىلعان.