Saltanatty jıynǵa qatysqan oblys ákimi J.Túımebaev barsha eńbek qyzmetkerlerin kásibı merekemen quttyqtap, osy salada uzaq jyldar eńbek etken ardagerler men qyzmetkerlerdi marapattady.
– Elbasy N.Nazarbaevtyń «Bolashaqqa baǵdar: rýhanı jańǵyrý» atty maqalasy men «Máńgilik el» ıdeıasy, «Jalpyǵa Ortaq Eńbek Qoǵamyna qaraı 20 qadam» eńbegi qoǵamda úlken serpilis týǵyzyp, el damýynyń uzaq merzimdi baǵdarlaryn aıqyndady. Bizdiń qazirgi qol jetkizgen jetistikterimiz – baspaldaq ispetti. Onyń árbir baspaldaǵy qurylysshy, ustaz, dáriger, ǵalym, aspazshy, saqshy, eginshi, qarapaıym jumysshynyń eńbegimen, onyń mańdaı terimen quralatyny aıdan anyq. Qazirgi tańda elimizdiń ekonomıqalyq qýatyn arttyrýǵa, mádenı murasyn jańǵyrtyp, rýhanı álemin baıytýǵa ólsheýsiz úles qosyp otyrǵan Ońtústik azamattary biz úshin maqtanysh, – dedi ákim.
Bul kúni óz salasynda talmaı eńbek etip, óz isiniń bilgiri atanǵan 27 azamatqa oblys ákiminiń Gramotasy men Alǵys haty, oblystyq «Nur Otan» partıasynyń alǵys haty, QR «Kásipodaqtarǵa sińirgen eńbegi úshin» jáne «Bilim jáne ǵylym qyzmetkerleriniń kásipodaǵyna sińirgen eńbegi úshin» belgisi tabystaldy. Sondaı-aq, merekelik jıynda «Eńbek joly» konkýrsynyń jeńimpazdary da qurmet pen qoshemetke bólendi.
Aıta ketý kerek, jumys berýshilerdiń eńbek zańnamasy talaptaryn saqtaýyn yntalandyrý maqsatynda 2016 jyly alty, al, 2017 jyly on kásiporynǵa, máselen, «Standart sement», «Ordabasy qus» «Zavod Trıýmf MMS» JSHS-gi syndy birqatar óndiris oryndaryna senim sertıfıkaty tabys etilgen.
Oblysta urpaqtan-urpaqqa otbasylyq qundylyqtardy jetkizip, joǵary kásibı mamandar ázirleýge úlken úles qosyp otyrǵan eńbek áýletteri jeterlik. Mysaly úshin, Arys qalasynda eńbek ótili 475 jyl bolatyn temirjolshy Jańabaevtar dınastıasy turady. Temirjol salasynda urpaqtan-urpaqqa jalǵasyp eńbek etip kele jatqan bul áýlette 17 temirjolshy bar. Munan bólek, Ordabasyda eńbek ótili 600 jyldy quraıtyn ustazdar dınastıasy turady. Ysqaqovtar áýletiniń 20 múshesi muǵalimdikti meńgergen.
Sonymen qatar, Saryaǵash aýdanyndaǵy Iýsýpovtar januıasy qarjy mamandyǵyn tańdap, óńir ekonomıkasynyń damýyna aıtarlyqtaı úles qosyp keledi. Eńbek ótili 128 jyldy quraıtyn qarjygerler dınastıasynda bes azamat osy salada qyzmet atqarady. Al Túrkistan qalasyndaǵy Orazbahovtar áýleti ata jolyn qýyp, ormanshy mamandyǵyn meńgerip elimizdegi «Jasyl el» baǵdarlamasynyń iske asýyna óz úlesterin qosýda. Bul otbasynyń osy salada 46 jyldyq eńbek ótili bar.
Jalpy oblysta Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan memlekettik baǵdarlamasy boıynsha jyl basynan beri 29,5 myń adam jumyspen qamtylsa, onyń 19,2 myńy jastar.
OQO ákiminiń baspasóz qyzmeti
