سالتاناتتى جيىنعا قاتىسقان وبلىس اكىمى ج.تۇيمەبايەۆ بارشا ەڭبەك قىزمەتكەرلەرىن كاسىبي مەرەكەمەن قۇتتىقتاپ، وسى سالادا ۇزاق جىلدار ەڭبەك ەتكەن ارداگەرلەر مەن قىزمەتكەرلەردى ماراپاتتادى.
– ەلباسى ن.نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسى مەن «ماڭگىلىك ەل» يدەياسى، «جالپىعا ورتاق ەڭبەك قوعامىنا قاراي 20 قادام» ەڭبەگى قوعامدا ۇلكەن سەرپىلىس تۋعىزىپ، ەل دامۋىنىڭ ۇزاق مەرزىمدى باعدارلارىن ايقىندادى. ءبىزدىڭ قازىرگى قول جەتكىزگەن جەتىستىكتەرىمىز – باسپالداق ىسپەتتى. ونىڭ ءاربىر باسپالداعى قۇرىلىسشى، ۇستاز، دارىگەر، عالىم، اسپازشى، ساقشى، ەگىنشى، قاراپايىم جۇمىسشىنىڭ ەڭبەگىمەن، ونىڭ ماڭداي تەرىمەن قۇرالاتىنى ايدان انىق. قازىرگى تاڭدا ەلىمىزدىڭ ەكونوميقالىق قۋاتىن ارتتىرۋعا، مادەني مۇراسىن جاڭعىرتىپ، رۋحاني الەمىن بايىتۋعا ولشەۋسىز ۇلەس قوسىپ وتىرعان وڭتۇستىك ازاماتتارى ءبىز ءۇشىن ماقتانىش، – دەدى اكىم.
![](/uploads/images/20240128011903634.jpg)
بۇل كۇنى ءوز سالاسىندا تالماي ەڭبەك ەتىپ، ءوز ءىسىنىڭ بىلگىرى اتانعان 27 ازاماتقا وبلىس اكىمىنىڭ گراموتاسى مەن العىس حاتى، وبلىستىق «نۇر وتان» پارتياسىنىڭ العىس حاتى، ق ر «كاسىپوداقتارعا سىڭىرگەن ەڭبەگى ءۇشىن» جانە «ءبىلىم جانە عىلىم قىزمەتكەرلەرىنىڭ كاسىپوداعىنا سىڭىرگەن ەڭبەگى ءۇشىن» بەلگىسى تابىستالدى. سونداي-اق، مەرەكەلىك جيىندا «ەڭبەك جولى» كونكۋرسىنىڭ جەڭىمپازدارى دا قۇرمەت پەن قوشەمەتكە بولەندى.
ايتا كەتۋ كەرەك، جۇمىس بەرۋشىلەردىڭ ەڭبەك زاڭناماسى تالاپتارىن ساقتاۋىن ىنتالاندىرۋ ماقساتىندا 2016 جىلى التى، ال، 2017 جىلى ون كاسىپورىنعا، ماسەلەن، «ستاندارت سەمەنت»، «ورداباسى قۇس» «زاۆود تريۋمف ممس» جشس-گى سىندى ءبىرقاتار ءوندىرىس ورىندارىنا سەنىم سەرتيفيكاتى تابىس ەتىلگەن.
وبلىستا ۇرپاقتان-ۇرپاققا وتباسىلىق قۇندىلىقتاردى جەتكىزىپ، جوعارى كاسىبي ماماندار ازىرلەۋگە ۇلكەن ۇلەس قوسىپ وتىرعان ەڭبەك اۋلەتتەرى جەتەرلىك. مىسالى ءۇشىن، ارىس قالاسىندا ەڭبەك ءوتىلى 475 جىل بولاتىن تەمىرجولشى جاڭابايەۆتار ديناستياسى تۇرادى. تەمىرجول سالاسىندا ۇرپاقتان-ۇرپاققا جالعاسىپ ەڭبەك ەتىپ كەلە جاتقان بۇل اۋلەتتە 17 تەمىرجولشى بار. مۇنان بولەك، ورداباسىدا ەڭبەك ءوتىلى 600 جىلدى قۇرايتىن ۇستازدار ديناستياسى تۇرادى. ىسقاقوۆتار اۋلەتىنىڭ 20 مۇشەسى مۇعالىمدىكتى مەڭگەرگەن.
سونىمەن قاتار، سارىاعاش اۋدانىنداعى يۋسۋپوۆتار جانۇياسى قارجى ماماندىعىن تاڭداپ، ءوڭىر ەكونوميكاسىنىڭ دامۋىنا ايتارلىقتاي ۇلەس قوسىپ كەلەدى. ەڭبەك ءوتىلى 128 جىلدى قۇرايتىن قارجىگەرلەر ديناستياسىندا بەس ازامات وسى سالادا قىزمەت اتقارادى. ال تۇركىستان قالاسىنداعى ورازباحوۆتار اۋلەتى اتا جولىن قۋىپ، ورمانشى ماماندىعىن مەڭگەرىپ ەلىمىزدەگى «جاسىل ەل» باعدارلاماسىنىڭ ىسكە اسۋىنا ءوز ۇلەستەرىن قوسۋدا. بۇل وتباسىنىڭ وسى سالادا 46 جىلدىق ەڭبەك ءوتىلى بار.
جالپى وبلىستا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان مەملەكەتتىك باعدارلاماسى بويىنشا جىل باسىنان بەرى 29،5 مىڭ ادام جۇمىسپەن قامتىلسا، ونىڭ 19،2 مىڭى جاستار.
![](/uploads/images/20240128011904088.jpg)
وقو اكىمىنىڭ باسپا ءسوز قىزمەتى