Shymkentte jergilikti avtobloger Rýslan Janpeiisov ustalǵany týraly aqparat tarady. Bul jóninde jýrnalist Mihail Kozachkov habarlady, dep jazady Dalanews.kz.
Jýrnalistiń málimetinshe, Janpeiisov keshe, 22 sáýirde keshke ustalyp, túndi Ál-Farabi aýdandyq politsiia bóliminde ótkizgen. Búgin ol ákimshilik is aiasynda sot aldyna jetkizilýi múmkin.
Oǵan Qazaqstan Ákimshilik quqyq buzýshylyq týraly kodeksiniń 667-baby boiynsha aiyp taǵylyp otyr. Bul bap quqyq qorǵaý organy qyzmetkeriniń zańdy talabyna baǵynbaý deregine qatysty.
Oqiǵa Shymkentte jol qaýipsizdigine bailanysty reid kezinde bolǵan. Qalaǵa ózge óńirlerden kelgen politsiia qyzmetkerleri joldaǵy quqyq buzýshylyqtardy anyqtaý jumystaryn júrgizgen.
Derekkóz málimetinshe, Qaraǵandydan kelgen politsiia qyzmetkerleriniń jumysyna Rýslan Janpeisov aralasyp, olardyń áreketine eskertý jasaǵan. Sonymen qatar oqiǵa ornyna patrýl shaqyryp, túsirilgen videolardy internetke jariialaǵan.
Osydan keiin politsiia oǵan hattama toltyryp, keiin ustap áketken. Eger kinási dáleldense, avtoblogerge 15 táýlikke deiin ákimshilik qamaý jazasy qoldanylýy múmkin.
Eske salsaq, 2020 jyly Rýslan Janpeiisov densaýlyqqa ortasha aýyrlyqtaǵy ziian keltirý jáne bilik ókilin qorlaý isi boiynsha bir jylǵa bas bostandyǵynan aiyrylǵan edi.
