Shymkentte 5 demalys aimaǵynda sýǵa shomylýǵa ruqsat berilgen
Qaýipsizdik adam ómirindegi eń mańyzdy faktordyń biri bolyp tabylady. Osy oraida, atalmysh departament óz quzyry aiasynda óńirdiń sý aidyndarynda eresekter men balalar ólimine jol bermeý sharalaryn qamtamasyz etedi. Shymkent qalasynyń aýmaǵynda qazirgi tańda sýǵa shomylýǵa ruqsat etilgen 5 demalys aimaǵy bar. Olar Toǵys sý qoimasyndaǵy «Holodilnik» demalys orny, Badam sý qoimasyndaǵy «Rahat Badam» demalys orny, Qoshqar ata ózeniniń bastaýy, Shymkent memlekettik dendrologiialyq saiabaǵyndaǵy kól men «Jailaýkól» (Tulpar). Atalǵan demalys aimaqtarynyń ieleri demalýshylardyń qaýipsizdigine tikelei jaýapty bolady.
Tótenshe jaǵdailar departamentimen qazirgi kezde sýdaǵy qaýipsizdik is-sharalaryna bailanysty jergilikti organdarmen birigip jumys júrgizilýde. Sonymen qatar, qala kóleminde Departament qyzmetkerlerimen «Qaýipsiz jaz» aktsiiasy aiasynda buqaralyq aqparat quraldary arqyly maqalalar jariialanyp, suhbattar uiymdastyrylyp, halyqpen áńgimelesý jumystary júrgizilýde.
Budan bólek, Departamenttiń qurylymdyq bólimsheleri aýdandyq politsiia basqarmalarynyń qyzmetkerlerimen birlesip shomylý maýsymy aiasynda kúndelikti reidtik is-sharalar júrgizetin bolady. Bilim basqarmasymen birlesip, «Sýdaǵy qaýipsizdikti qamtamasyz etý maqsatynda WhatsApp áleýmettik jelileri arqyly mektepter men balabaqshalardyń «Ata-analar» toptaryna jadnamalar men beinerolikter ornalastyrý jumystary belsendi túrde júzege asyrylýda.
