شىمكەنتتە 5 دەمالىس ايماعىندا سۋعا شومىلۋعا رۇقسات بەرٸلگەن
قاۋٸپسٸزدٸك ادام ٶمٸرٸندەگٸ ەڭ ماڭىزدى فاكتوردىڭ بٸرٸ بولىپ تابىلادى. وسى ورايدا, اتالمىش دەپارتامەنت ٶز قۇزىرى اياسىندا ٶڭٸردٸڭ سۋ ايدىندارىندا ەرەسەكتەر مەن بالالار ٶلٸمٸنە جول بەرمەۋ شارالارىن قامتاماسىز ەتەدٸ. شىمكەنت قالاسىنىڭ اۋماعىندا قازٸرگٸ تاڭدا سۋعا شومىلۋعا رۇقسات ەتٸلگەن 5 دەمالىس ايماعى بار. ولار توعىس سۋ قويماسىنداعى «حولوديلنيك» دەمالىس ورنى, بادام سۋ قويماسىنداعى «راحات بادام» دەمالىس ورنى, قوشقار اتا ٶزەنٸنٸڭ باستاۋى, شىمكەنت مەملەكەتتٸك دەندرولوگييالىق ساياباعىنداعى كٶل مەن «جايلاۋكٶل» (تۇلپار). اتالعان دەمالىس ايماقتارىنىڭ يەلەرٸ دەمالۋشىلاردىڭ قاۋٸپسٸزدٸگٸنە تٸكەلەي جاۋاپتى بولادى.
تٶتەنشە جاعدايلار دەپارتامەنتٸمەن قازٸرگٸ كەزدە سۋداعى قاۋٸپسٸزدٸك ٸس-شارالارىنا بايلانىستى جەرگٸلٸكتٸ ورگاندارمەن بٸرٸگٸپ جۇمىس جٷرگٸزٸلۋدە. سونىمەن قاتار, قالا كٶلەمٸندە دەپارتامەنت قىزمەتكەرلەرٸمەن «قاۋٸپسٸز جاز» اكتسيياسى اياسىندا بۇقارالىق اقپارات قۇرالدارى ارقىلى ماقالالار جارييالانىپ, سۇحباتتار ۇيىمداستىرىلىپ, حالىقپەن ەڭگٸمەلەسۋ جۇمىستارى جٷرگٸزٸلۋدە.
بۇدان بٶلەك, دەپارتامەنتتٸڭ قۇرىلىمدىق بٶلٸمشەلەرٸ اۋداندىق پوليتسييا باسقارمالارىنىڭ قىزمەتكەرلەرٸمەن بٸرلەسٸپ شومىلۋ ماۋسىمى اياسىندا كٷندەلٸكتٸ رەيدتٸك ٸس-شارالار جٷرگٸزەتٸن بولادى. بٸلٸم باسقارماسىمەن بٸرلەسٸپ, «سۋداعى قاۋٸپسٸزدٸكتٸ قامتاماسىز ەتۋ ماقساتىندا WhatsApp ەلەۋمەتتٸك جەلٸلەرٸ ارقىلى مەكتەپتەر مەن بالاباقشالاردىڭ «اتا-انالار» توپتارىنا جادنامالار مەن بەينەروليكتەر ورنالاستىرۋ جۇمىستارى بەلسەندٸ تٷردە جٷزەگە اسىرىلۋدا.
